«My papiaredžvali»: Premjer Čarnahoryi prakamientavaŭ zatrymańnie kiraŭnika kanała «Rybar»
«Čarnahoryja abaraniaje svaje intaresy, i nichto nie pastavić pad pahrozu našu jeŭrapiejskuju budučyniu», — skazaŭ Miłojka Spaič.
Premjer-ministr Čarnahoryi Miłojka Spaič prakamientavaŭ zatrymańnie kiraŭnika «Rybara» Michaiła Źvinčuka i jaho kamandy.
«My papiaredžvali, što sproby hibrydnaha ŭmiašańnia i destabilizacyi Čarnahoryi nie spyniajucca i supravadžajuć naš jeŭrapiejski šlach», — zajaviŭ Spaič.
Pavodle słoŭ premjera, ciapier nie čas dla paśpiešlivych zajavaŭ, adnak jość surjoznyja padstavy, jakija patrabujuć pilnaj pravierki. Jon padkreśliŭ, što ŭłady nie buduć raskryvać padrabiaznaści, jakija pavinny zastavacca ŭ kampietencyi śpiecsłužbaŭ.
«Dziaržaŭnyja instytuty vykonvajuć svaju pracu, Čarnahoryja abaraniaje svaje intaresy, i nichto nie pastavić pad pahrozu našu jeŭrapiejskuju budučyniu», — dadaŭ premjer.
Michaiła Źvinčuka razam ź niekalkimi jaho supracoŭnikami zatrymali ranicaj 9 kastryčnika ŭ horadzie Rysan. Siarod zatrymanych — žonka i paplečnica Michaiła Źvinčuka Valeryja.
Apieracyju pa zatrymańni praviała čarnahorskaja palicyja ŭ supracoŭnictvie z Ahienctvam nacyjanalnaj biaśpieki krainy.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary