Mirosław Jankowiak, Současná běloruská nářečí v Lotyšsku. Charakteristika. Výběr textů // Współczesne gwary białoruskie na Łotwie. Charakterystyka. Wybór tekstów, Praha 2018: Slovanský ústav Akademie věd ČR, 468 ss.
Vyjšła novaja manahrafija polskaha linhvista, jaki daśleduje małaviadomaje — biełaruskija havorki na terytoryi sučasnaj Łatvii. U pieršaj (Varšava, 2009; pierakład na biełaruskuju movu: 2012, 2015) aŭtar apisaŭ sacyjalinhvistyčnyja aśpiekty funkcyjanavańnia biełaruskich havorak na terytoryi Łatvii. U novaj knižcy pradstaŭlena bolš šyrokaja charaktarystyka struktury havorak (fanietyka, marfałohija, sintaksis, leksika, frazieałohija), ich pachodžańnie dy kłasifikacyja.
Druhuju častku składajuć teksty razmoŭ z žycharami Łatvii. Zakranalisia takija temy, jak žyćcio ŭ mižvajenny pieryjad, čas Druhoj suśvietnaj vajny, farmiravańnie kałhasaŭ i praca ŭ poli, žyćcio pry niezaležnaj Łatvii, vieravyznańnie, adukacyja, nacyjanalnaja identyčnaść i šmatlikija aśpiekty, jakija datyčać tradycyj (abrady, stravy i napitki, duchoŭnaje žyćcio, hulni, tradycyjnaja miedycyna, lehiendy i inš.). Manahrafija budzie cikavaj krynicaj dla movaznaŭcaŭ, etnołahaŭ dy historykaŭ — u tym liku tamu, što, jak padkreślivaje aŭtar, biełaruskija havorki źnikajuć na našych vačach i ciapier zastalisia tolki paasobnyja ludzi, jakija karystajucca biełaruščynaj.
Mirasłaŭ Jankoviak pracuje ciapier u ramkach stypiendyi ŭ Słavianskim instytucie Češskaj akademii navuk nad novaj manahrafijaj, jakaja budzie datyčyć leksiki biełaruskich havorak Łatvii. U płanach taksama Słoŭnik biełaruskich havorak Łatvii.
Ciapier čytajuć
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2424
Kamientary