ZŠA razhladajuć Iran jak bolšuju pahrozu ŭ Siryi, čym Rasija. Dziela Izraila
ŚMI daviedalisia ab ździełcy pa Siryi, jakuju rychtujuć ZŠA, Izrail i Rasija, piša hazieta Asharq Al-Awsat.
U červieni ŭ Jerusalimie adbudziecca sustreča daradcy prezidenta ZŠA pa nacbiaśpiecy Džona Bołtana, staršyni Rady nacyjanalnaj biaśpieki Izraila Mieira Ben-Šabata i sakratara rasijskaj Rady biaśpieki Mikałaja Patrušava, paviedamlaje hazieta Asharq Al-Awsat. Raniej hetyja pieramovy anansavali ŭ Biełym domie, u Kramli kazali, što ŭ ich pakul takoj infarmacyi niama.
Na sustrečy, adznačajuć zachodnija dypłamatyčnyja krynicy vydańnia, baki abmiarkujuć «darožnuju kartu» pa Siryi, jakaja budzie praduhledžvać u tym liku adbudovu krainy i admienu sankcyj u dačynieńni da siryjskaha kiraŭnictva. U abmien na heta, pakazali surazmoŭcy haziety, Rasieja pavinna budzie zajavić ab prychilnaści «kankretnym mieram» — u pryvatnaści, kantralavać rolu Irana ŭ Siryi i sačyć za palityčnymi pracesami ŭ hetaj krainie.
Chto mienavita stanie inicyjataram takoj ździełki, Asharq Al-Awsat nie tłumačyć, zaŭvažajučy, što padobnaja damova moža stać złučvom pamiž intaresami Amieryki i jaje sajuźnikaŭ u Siryi ź intaresami Maskvy ŭ arabskaj respublicy.
Kali takaja ździełka budzie zaklučanaja, heta paćvierdzić mierkavańnie, što ŭ Siryi ZŠA kiravalisia pieradusim intaresami Izraila, jaki byŭ zacikaŭleny ŭ asłableńni hetaj dziaržavy jak svajho patencyjnaha praciŭnika. Rasijskaja prysutnaść u Siryi moža mieć hłabalnyja nastupstvy, tady jak iranskaja — tolki rehijanalnyja.
ŚMI publikavali infarmacyju, što Rasija chacieła b taksama «raźmianiać» Vieniesuełu na Ukrainu. ZŠA tradycyjna razhladali Łacinskuju Amieryku jak svaju śfieru ŭpłyvu, a Rasija choča zrabić takoj zonaj respubliki byłoha SSSR.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary