Padnačalenaja staršyni vybarkama z Bresta dała tłumačeńni — ale vielmi niepierakanaŭčyja
Adna z hałoŭnych tem dnia — videa z adnaho z vybarčych učastkaŭ u Breście.
Sprobu apuścić u skryniu stos biuleteniaŭ na ŭčastku № 37 Brescka-Uschodniaj akruhi №3 spyniŭ naziralnik Juryj Vaščančuk i źniaŭ dziaŭčynu na videa.
Dziaŭčynu zavuć Nastaśsia Kuličkova, jana pracuje piedahoham-psichołaham u dziciačym sadzie, jaki znachodzicca za 50 mietraŭ ad vybarčaha ŭčastka, dzie adbyłosia parušeńnie. Zahadčyca hetaha sadka ŭznačalvaje dadzienuju vybarčuju kamisiju.
Vydańnie Brest-Sici pasprabavała źviazacca z hierainiaj skandalnaha videa praz sacyjalnyja sietki. Paŭnavartasnaj hutarki, na žal, nie atrymałasia.
«Ja pryjšła prahałasavać daterminova. Heta majo prava. I zusim nie čakała, što niechta budzie razmaŭlać sa mnoj takim tonam. U mianie byŭ u rukach utraja składzieny biuleteń. Heta nie zabaroniena. I ja nie pavinna ničoha tłumačyć. Ja da hetaha času nie mahu apamiatacca. Ja sapraŭdy spałochałasia, tamu i pajšła. Niepryjemna vielmi, što mianie abvinavačvajuć u tym, čaho ja nie rabiła», — prakamientavała zdareńnie Nastaśsia Kuličkova miascovamu partału.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary