Navukoŭcy z univiersiteta Paŭnočnaj Karaliny stali aŭtarami teoryi ŭźniknieńnia rakavych zachvorvańniaŭ, paviedamlaje rbc.ru sa spasyłkaj na MedicalXpress.
U artykule, apublikavanym u časopisie «Tendencyi ŭ malekularnaj miedycynie» (Trends in Molecular Medicine), bijołahi-ankołahi Pink Mukierdžy i Mukulika Baze apisali miechanizm, zhodna ź jakim bakteryjalnyja infiekcyi mohuć stanavicca pryčynaj raźvićcia rakavych zachvorvańniaŭ. Adznačajecca, što ciapier vielmi mała viadoma ab tym, što mienavita źjaŭlajecca pryčynaj raku, źviazanaha z bakteryjalnaj infiekcyjaj. Navukoŭcy zaŭvažyli, što kala 20% usich złajakasnych utvareńniaŭ źviazanyja ź jakoj-niebudź infiekcyjaj (virusnaj ci bakteryjalnaj), pryčym pieršapryčynaj ich źjaŭleńnia jość pastajannaje zapaleńnie.
U artykule abhruntoŭvajecca vierahodnaść uźniknieńnia raku z-za ŭzajemadziejańnia mikrobaŭ z MUC1 — miembrannym białkom z hrupy mucynaŭ, jaki prysutničaje amal va ŭsich žalezistych epitelijalnych kletkach. Z epitelijalnych kletak raźvivajucca złajakasnyja ŭtvareńni ŭ toŭstaj kišcy, lohkich, straŭniku, piečani i padstraŭnikavaj załozie.
Navukoŭcy tłumačać, što MUC1 pieršapačatkova maje achoŭnuju funkcyju pry bakteryjalnaj infiekcyi. Adnak pry praciahłym uzajemadziejańni mucynu ź infiekcyjaj jon moža nabyvać zvarotnuju funkcyju i stanavicca pryčynaj zapalenčych pracesaŭ, jakija ŭ svaju čarhu mohuć vyklikać złajakasnyja ŭtvareńni. Takim čynam, robiać vysnovu navukoŭcy, MUC1 moža hrać dźvie roli: achoŭnuju i ankahiennuju.
Mukierdžy padkreślivaje, što ŭ dalejšym nieabchodna budzie vyvučać mucyny bolš surjozna, kab razabracca ŭ pieršapryčynie transfarmacyi rakavych kletak.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia16
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary