Da kanca nastupnaha tydnia ŭ Biełaruś pryjdzie sapraŭdnaja letniaja śpioka
Sinoptyk Dźmitryj Rabaŭ u efiry ANT paviedamiŭ, što tydzień z 15 pa 21 červienia pačniecca ź niestabilnaha i daždžlivaha nadvorja, adnak da vychadnych u krainu vierniecca sapraŭdnaje letniaje ciapło z tempieraturaj da +30 hradusaŭ.
U paniadziełak, 15 červienia, nadvorje budzie vyznačać aktyŭny atmaśfierny front. U bolšaści rajonaŭ projduć daždžy z navalnicami, miescami mahčymyja mocnyja zalevy i hrad. Nočču tempieratura składzie ad +8 da +12 hradusaŭ, a ŭdzień — ad +14 na paŭnočnym zachadzie da +20 na paŭdniovym uschodzie krainy.
U aŭtorak i sieradu zachavajecca vilhotnaje pavietra. Čakajucca daždžy, miescami zalevy i navalnicy. U siaredzinie tydnia nadvorje krychu palepšycca: apadki buduć karotkačasovymi i pieravažna na poŭnačy krainy. Dniom pavietra prahrejecca da +21 hradusa.
U čaćvier, 18 červienia, Biełaruś moža znoŭ apynucca pad upłyvam čarhovaha atmaśfiernaha frontu. Amal pa ŭsioj krainie mahčymyja daždžy i navalnicy. Tempieratura ŭdzień budzie vahacca ad +15 na poŭnačy da +22 hradusaŭ na poŭdni.
U piatnicu nadvorje zastaniecca niaŭstojlivym: projduć karotkačasovyja daždžy, ale pavietra pačnie prykmietna ciapleć — ad +19 hradusaŭ na poŭnačy da +26 na paŭdniovym zachadzie.
Najbolšaje paciapleńnie čakajecca ŭ subotu, 20 červienia. Dziakujučy vobłaści vysokaha atmaśfiernaha cisku daždžy pavinny spynicca, a tempieratura ŭdzień składzie ad +22 da +27 hradusaŭ, a ŭ paŭdniova-zachodnich rajonach moža dasiahnuć +30.
U niadzielu, 21 červienia, zachavajecca ciopłaje letniaje nadvorje. Mahčymyja tolki asobnyja karotkačasovyja daždžy z navalnicami. Unačy čakajecca ad +14 da +19 hradusaŭ, a ŭdzień — ad +24 da +29 hradusaŭ.
Takim čynam, paśla praciahłaha pieryjadu daždžoŭ, navalnic i hradu ŭžo ŭ kancy nastupnaha tydnia Biełaruś čakaje prychod letniaj śpioki.
Kamientary