Usiaho patrochu44

«Začyniałasia ŭ prybiralni i płakała»: Emilija Kłark pra eratyčnyja sceny «Hulni tronaŭ»

Aktrysa Emilija Kłark, jakaja vykanała rolu Dejnerys Tarharyjen u sieryjale «Hulnia tronaŭ», raspaviała, što adčuvała surjozny stres padčas pracy nad pieršym siezonam. Akciorka kaža, što pad kaniec pracoŭnaha dnia zamykałasia ŭ prybiralni i płakała, piša bbc.com.

Asabliva ciažka joj było zdymacca ŭ scenach, dzie treba było raspranacca, raspaviała akciorka.

Mnostva eratyčnych scen u sieryjale było abhruntavana siužetam, ale kali b «Hulniu tronaŭ» zdymali siońnia, heta byŭ by zusim inšy sieryjał, ličyć Kłark.

Rola Dejnerys dastałasia Emilii Kłark, kali joj było 23 hady, i pryniesła joj słavu.

«Ja pahadziłasia na rolu, a potym mnie dasłali scenar. Ja čytała jaho i čas ad času dumała: voś u čym padvoch», — raspaviadaje Kłark.

«Ale ja tolki skončyła akciorskuju škołu i padyšła da pracy prafiesijna», — dadaje jana.

«Kali niešta jość u scenary, značyć, jano pavinna tam być. I ja nadam hetamu sens. Usio budzie dobra».

«Da hetaha ja tolki dvojčy była na zdymačnaj placoŭcy, i raptam apynułasia na joj, absalutna hołaja, a vakoł byli ŭsie hetyja ludzi. Ja nie viedała, što mnie rabić», — raspaviała akciorka.

«Ja nie razumieła, što ad mianie patrabujecca. Ja nie viedała, što jany chočuć i čaho chaču ja sama».

«Niezaležna ad taho, byli b tam eratyčnyja sceny ci nie, uvieś pieršy siezon ja ŭ lubym vypadku ničoha b nie patrabavała. Ja dumała, što nie maju prava patrabavać niešta», — kaža Kłark.

«Što b ja ni adčuvała — heta niapravilna. Ja lepš papłaču ŭ prybiralni, a potym viarnusia, my dazdymajem scenu, i ŭsio budzie vydatna», — uspaminaje akciorka pracu nad sieryjałam.

Pa słovach Kłark, paśla zdymak jana pierastała šukać svajo imia ŭ pošukavikach, bo natykałasia na cełyja artykuły pra svaje eratyčnyja sceny. «Jany pisali, jakaja ŭ mianie toŭstaja zadnica i hetak dalej. A ja była jašče amal dziciem!» — kaža jana.

Emiliju na praciahu pieršaha siezona padtrymlivaŭ Džejsan Mamoa, jaki ihraŭ u sieryjale jaje muža, žorstkaha pravadyra plemia datrakijcaŭ.

Kłark ličyć, što ciapier staŭleńnie hledačoŭ da halizny ŭ filmach mocna mianiajecca.

Pieršamu siezonu «Hulni tronaŭ», źniatamu ŭ 2009—2010 hadach, spoŭniłasia dziesiać hadoŭ. Ale aktorka kaža, što, kali b u jaje była mahčymaść pieraźniać sieryjał, jana pakinuła b jaho takim samym.

«Vielmi mnohija havaryli sa mnoj pra sceny, dzie Kchalisi (hierainia Kłark) aholenaja. Ale nichto nie źviarnuŭ by na heta ŭvahi, kali b jaje nie prynižali na ekranie. Hladač pavinien byŭ heta ŭbačyć».

Novy film z udziełam Emilii Kłark, «Kalady na dvaich», niadaŭna vyjšaŭ u prakat. Akciorka kaža, što ciapier «zaŭsiody spračajecca na placoŭcy» ab nieabchodnaści eratyčnych scen.

«Usio vielmi źmianiłasia. Ja razumieju značna bolš ab tym, što mahu sabie dazvolić i što mnie kamfortna rabić, — kaža jana. — Siońnia ja nie pahadžajusia raspranacca, kali nie razumieju, što heta absalutna nieabchodna».

Kamientary4

Ciapier čytajuć

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Usie naviny →
Usie naviny

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio24

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek7

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok4

U Biełarusi znoŭ sabrali hrošy na lačeńnie dziciaci z SMA1

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam15

bolš čytanych navin
bolš łajkanych navin

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić