Makron prosić kiraŭnika Jeŭrakamisii zabaranić sacsietki dzieciam da 15 hadoŭ
Prezident Francyi Emanuel Makron źviarnuŭsia da staršyni Jeŭrakamisii Ursuły fon der Lajen z prośbaj padrychtavać «jeŭrapiejski zakanadaŭčy akt», jaki zabaraniaŭ by dzieciam va ŭzroście da 15 hadoŭ karystacca sacyjalnymi sietkami, piša DW.
Kanstytucyjny saviet Francyi 14 žniŭnia zabłakavaŭ adpaviedny nacyjanalny zakon. Vyšejšy orhan kanstytucyjnaha kantrolu ŭ Francyi rastłumačyŭ svaju pazicyju tym, što hetaje pałažeńnie parušaje svabodu vykazvańnia mierkavańniaŭ.
Makron, jaki pavinien pakinuć pasadu paśla vybaraŭ u krasaviku 2027 hoda, zajaviŭ, što spadziajecca ŭ bližejšyja miesiacy «znajści šlach napierad» z dapamohaj «pierahledžanaha zakanadaŭčaha akta» na nacyjanalnym uzroŭni, jaki budzie «adpaviadać zakanadaŭstvu ES i Kanstytucyi».
U liście da fon der Lajen palityk zajaviŭ, što «ciapier vielmi važna pajści dalej i harmanizavać hetaje pałažeńnie z dapamohaj novaha jeŭrapiejskaha dakumienta».
Jak adznačała ahienctva Reuters, rašeńnie Kanstytucyjnaha savieta Francyi stała ŭdaram dla kiraŭnika dziaržavy. Prezident daručyŭ premjer-ministru Siebaśćienu Lekarniu padrychtavać novy, «jurydyčna biezdakorny» prajekt zakona.
Zakonaprajekt źjaviŭsia paśla taho, jak francuzski orhan nahladu ŭ śfiery achovy zdaroŭja ŭ spravazdačy ad śniežnia 2025 hoda papiaredziŭ pra škodnaje ŭździejańnie na dziaciej takich płatformaŭ, jak TikTok, Instagram i Snapchat. Siarod patencyjnych ryzyk nazyvalisia źnižeńnie samaacenki, a taksama mahčymaje pavieličeńnie vypadkaŭ samapaškodžańnia, samahubstvaŭ i ŭžyvańnia narkotykaŭ.
Pavodle statystyki, kožny druhi padletak pravodzić sa smartfonam ad dźviuch da piaci hadzin u dzień, a 58% vykarystoŭvajuć telefony dla dostupu da sacyjalnych sietak.
Inicyjatyva pa zabaronie nabrała abaroty paśla taho, jak Emanuel Makron zrabiŭ jaje adnym z klučavych punktaŭ unutranaj paviestki ŭ apošni hod svajho znachodžańnia na pasadzie.
U śniežni 2025 hoda asobam va ŭzroście da 16 hadoŭ zabłakavali dostup da bolšaści sacyjalnych sietak u Aŭstralii.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary20
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Ja voś navat nie ŭjalaju, što dačka praz dva hady budzie rabić. Sacsietki? Oj, dy z malectva) zaraz u ich jakijaś čaty tam svaje, ale hledziačy pa pytańniam, jakija jana mnie zadaje... nia chłopčykaŭ jany tam abmiarkoŭvajuć. Psychalehija, ekanomika, palityka... tolki hadzinu tamu sam navinu čytaŭ, a ŭžo ad dački ŭdakładniajučyja sprečnyja pytańni.
Krč, ničoha zabaraniać nie źbirajusia. I zaŭsiedy dapamahu lubuju zabaronu abyjści