Andrej Dyńko: Piać vialikich prośbaŭ da čytačoŭ novych dziciačych časopisaŭ
My zrabili toje, pra što mnohija maryli. Dva dziciačyja časopisy vyjšli, nam užo vysyłajuć foty, jak dzieci ich čytajuć.
Maju piać vialikich prośbaŭ da čytačoŭ.
1) Napišycie pra źjaŭleńnie hetych časopisaŭ u telehram- ci vajbier-čatach kłasaŭ, hrup, kudy chodziać vašy dzieci.
2) Zaniasicie hetyja časopisy ŭ kłasy, hrupy, paprasicie kłasnych, vychavacielek raskazać pra ich baćkam na baćkoŭskich schodach.
3) Zapościcie pra ich u svaich sacsietkach: Instahramie, Fejsbuku, Adnakłaśnikach i h.d.
4) Napišycie nam na [email protected], što ŭ pieršych numarach vašych dziaciej najbolš začapiła, na čym jany zaviśli, napišycie taksama, pra što nam pisać, jakich temaŭ dzieci čakajuć.
5) Kali vy adčuvajecie ŭ sabie tvorčy patencyjał, prapanoŭvajcie nam tvory, temy, malunki. Kazki, vieršy, žarty, rebusy, kiemiki.
Kali prodažy buduć iści dobra, my majem namier pavialičyć kolkaść staronak u časopisach.
Adzin časopis nazyvajecca «Dudu», a druhi — «Aściarožna: dzieci!». Kupicie svaim małym dva: jany sami raźbiarucca, katory im cikaviejšy. Časopisy pradajucca va ŭsich šapikach, kniharniach, a taksama hipiermarkietach.
«Aściarožna: dzieci!». Tut hałoŭnyja hieroi — Cim, Mara, sabaka Haz, kot Tormaz i Zanadta Razumny Smartfon — razbłytvajuć roznyja detektyŭnyja historyi.
I zaadno razam z čytačami spaznajuć śviet. U časopisie — i karysnaja infarmacyja, i zachaplalnyja pryhody, i zadańni, jakija treba vykanać, i konkursy, u jakich možna pieramahčy, i QR-kody, pa jakich možna budzie vyjści na staronki ŭ internecie ź cikavaj infarmacyjaj.
Tema pieršaha numara — samaloty.
U nastupnych numarach Cim, Mara, Haz i Tormaz buduć šukać skarby, apynucca ŭ nadzvyčajnych situacyjach i pry hetym buduć karystacca samymi sučasnymi technałohijami. Kuplajcie i čytajcie! A najlepš — vypisvajcie! Heta samy vyhadny varyjant. Naš padpisny indeks — 75080 (viedamasny 750802).
Časopis «Dudu» raźličany na dziaciej da siami hadoŭ, ale čytać jaho mohuć dzieci ad 1 da 101 hoda.
Kazki, vieršy i navat muzyka dy pieśni (ich možna prajhrać pa QR-kodach), interaktyŭnyja hulni, komiksy, konkursy, dzivosy, siurpryzy — usio heta budzie ŭ kožnym numary časopisa. A taksama zadańni na raźvićcio łohiki, uvahi i pamiaci, drobnaj matoryki, dla papaŭnieńnia słoŭnikavaha zapasu i padrychtoŭki da škoły. Jašče my budziem dapamahać dzieciam vučycca čytać, pisać i ličyć. Numary časopisa buduć tematyčnymi.
Tema hetaha numara — katy i ich žyćcio.
U nastupnych numarach raskažam pra mietro i inšy transpart, pra bułački i cukierki, zorki i kaśmičnyja karabli, sonca i chmary, lubimyja śviaty, niebiaśpiečnych drapiežnikaŭ i pieŭčych ptušak i pra mnohaje inšaje…
Hieroi časopisa — chłopčyk Zor, dziaŭčynka Lola i paduška Dudu — stanuć nadziejnymi siabrami čytačoŭ.
Kuplajcie i čytajcie! A najlepš — vypisvajcie! Heta samy vyhadny varyjant. Naš padpisny indeks — 75081 (viedamasny 750812).
Kali časopisaŭ nie zastałosia ŭ šapikach, pytajciesia ŭ hipiermarkietach, a taksama ŭ kniharniach:
Voś ahulny śpis kniharań, dzie možna znajści našy časopisy ŭ roznych haradach:
Minsk
Symbal.by (pr. Mašerava, 18)
«Rahna» (Suchaja, 4, mietro Frunzienskaja)
«Akademkniha» (na stancyi mietro Akademija navuk)
Filija «Akademknihi» na Bahdanoviča, 46
Handlovy centr «Kupałaŭski» (pad Kastryčnickaj płoščaj), kramy 41—42 i 44—45
«Halijafy» (Niamiha, 3, krama № 47 na cokalnym paviersie)
Knižny kirmaš pa vuł. Daŭmana, 23 (subota 00.00-14.00), miesca 78b
«Knižnaja šafa» (Dziaržynskaha, 9)
dy inšyja
Poštaj ci z dastaŭkaj na dom
vy možacie jaho zamović praz Symbal.by, Halijafy.by, Knihi.by, Kniger.by, Akademkniga.by, Ragna.by.
Hrodna
«Cudoŭnia» (Kirava, 3)
dy inšyja
Brest
«Kniaź Vitaŭt» (Savieckaja, 55)
dy inšyja
Homiel
«Knižny śviet» (pr. Lenina, 45)
Viciebsk
«Śvietač» (Kirava, 10)
dy inšyja
Mahiloŭ
«Haściniec» (Viciebski praśpiekt, 48)
dy inšyja
Babrujsk
«Krynica viedaŭ» (Horkaha, 31).
Baranavičy
«Knihi» (vuł. Savieckaja, 73)
Maładziečna
«Spadčyna» (vuł. Prytyckaha, 7)
Lida
«Knižny śviet» (pr. Pieramohi, 33)
Navapołack
«Dom knihi» (vuł. Maładziožnaja, 145)
«Uschod» (vuł. Kirava, 4)
Kamientary