U vydaviectvie «Papury» vyjšaŭ raman niamieckaha piśmieńnika Erycha Maryi Remarka «Lisabonskaja noč» (Die Nacht von Lissabon, 1962).
Pierakłała tvor na biełaruskuju movu Volha Hronskaja, paviedamlaje bellit.info.
Hruntoŭnaje vydańnie ŭ ćviordym pieraplocie aproč tekstu ramana źmiaščaje kamientary pierakładčycy, a taksama paślasłoŭje litaraturaznaŭcy Tylmana Viestfalena.
«Lisabonskaja noč» apaviadaje pra los niamieckich emihrantaŭ u nacysckuju epochu da i padčas Druhoj suśvietnaj vajny ŭ Francyi, Hišpanii i Partuhalii. Raman byŭ apublikavany ŭ 1962 hodzie i staŭ pieradapošnim ramanam Remarka.
«Zmročny pačatak sarakavych. Stojačy ŭnačy na lisabonskaj nabiarežnaj, niejki mužčyna nie zvodzić vačej z karabla. Hety mužčyna — niamiecki emihrant. Jaho meta — Amieryka. Ale jon nie maje ni vizy, ni hrošaj. Raptam nieznajomiec prapanoŭvaje jamu dva kvitki na karabiel. Zadarma, ale pry adnoj umovie: jon nie choča zastavacca ŭ hetuju noč adzin. Jon choča raskazać inšamu čałavieku svaju historyju: historyju ŭciokaŭ, historyju, jakaja pačałasia ŭ Asnabruku ŭ 1933 hodzie…
Raman Remarka, jaki mieŭ niaźmienny pośpiech z momantu vychadu ŭ śviet u 1962 hodzie, zachaplaje ad pieršaha da apošniaha radka i razam z tym pieradaje ŭsiu pakutlivaść emihranckaha losu, u jakim kachańnie i śmierć źjaŭlajucca niaźmiennymi spadarožnikami isnavańnia».
Kupić knihu možna ŭ kniharniach u Biełarusi, a taksama ŭ siecivie, naprykład, na sajtach Knihi.by i Oz.by.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha5
Kamientary