Napierad pa travałatary, jaki viazie nazad. Čamu vybrany varyjant damovy z Rasijaj pa padatkovym manieŭry najhoršy dla Biełarusi
Stała viadoma, jak moža vyrašycca sprečka pra ceny na naftu i haz. Rasija hatovaja zabiaśpiečyć biełaruskija naftapierapracoŭčyja zavody tak zvanym admoŭnym akcyzam. Ale pry ŭmovie, kali abiedźvie krainy ŭnifikujuć Padatkovy kodeks.
Intehracyja z Rasijaj dla Biełarusi — heta jak ruch napierad na travałatary, jaki jedzie nazad. My ŭsio raźvivajem i naroščvajem, raźvivajem i naroščvajem. I pry hetym z kožnym hodam usio bolš adstajom ad susiedziaŭ, jakija ŭ Jeŭrasajuzie.
Mytny sajuz — jaho adepty čakali ad jaho hihanckich plusoŭ dla biełaruskaj haspadarki. U vyniku my majem dziesiacihodździe biez ekanamičnaha rostu.
Zatoje za hety čas zarazilisia ŭsimi rasijskimi depresijami i stahnacyjami. Ach nie, zabyŭ, štości my taki majem jašče. Abaviazkovuju ruskuju movu na etykietkach pradukcyi, što pastaviła kryž na vykarystańni biełaruskaj tam.
Unifikacyja Padatkovaha kodeksa budzie aznačać, što Biełaruś stracić ryčahi rehulavańnia i jašče macniej pryviaža siabie da Rasii. Zaležnaść ad jakoj i tak kałasalnaja, na handal ź jakoj i tak prypadaje pałova abarotu.
Heta pryviazka biełaruskaj haspadarki da ekanomiki technałahična adstałaj, karumpavanaj krainy, jakaja da taho ž, nie suprać pry nahodzie Biełaruś pahłynuć.
Toj vypadak, kali para socień miljonaŭ vyhady siońnia buduć kaštavać miljardnych strataŭ zaŭtra. Luby tałkovy mieniedžar vam skaža, što heta nie rašeńnie.
Kamientary