Zdaroŭje

Navukoŭcy: lohkija kurca adnaŭlajucca, kali kinuć kuryć

Vašy lohkija majuć amal čaroŭnuju zdolnaść vylečvać kancerahiennyja mutacyi, vyklikanyja kureńniem, zajavili navukoŭcy. Ale tolki ŭ tym vypadku, kali vy kinuli kuryć, piša bbc.com.

Ličyłasia, što mutacyi, jakija vyklikajuć rak lohkich, nazaŭždy zastajucca navat u byłych kurcoŭ, što nie kranajucca cyharet.

Adnak niečakanyja vyniki daśledavańnia, apublikavanyja ŭ časopisie Nature, śviedčać pra toje, što tyja niešmatlikija kletki, jakija zastalisia niepaškodžanymi, zdolnyja adnavić lohkija.

Hety efiekt naziraŭsia navat u pacyjentaŭ, što vykurvali pačak cyharet u dzień na praciahu 40 hadoŭ, pierš čym kinuć.

Chimičnyja elemienty, jakija ŭtrymlivajucca ŭ tytuni, rujnujuć DNK kletak lohkich, jakaja ŭ vyniku muciruje, pavolna pieratvarajučy ich sa zdarovych u kancerahiennyja.

Daśledavańni pakazali, što heta adbyvajecca ŭ lohkich kurca jašče da ŭźniknieńnia raku.

Bolšaść kletak, uziatych z dychalnych šlachoŭ kurcoŭ, mutavali pad uździejańniem tytuniu. Takija kletki ŭtrymlivajuć da 10 tysiač hienietyčnych źmianieńniaŭ.

«Heta jak bomby zapavolenaha dziejańnia, jakija čakajuć nastupnaha ŭdaru, kab źjaviŭsia rak», — kaža doktar Kiejt Haŭers, daśledčyk univiersiteckaha kaledža Łondana (UCL).

Ale nievialikaja častka kletak zastajecca niepaškodžanaj.

Niezrazumieła, jak hetyja kletki paźbiahajuć hienietyčnych mutacyj, vyklikanych kureńniem. Daśledčyki kažuć, što jany niby «isnujuć u jadziernym bunkiery».

Ale kali kurec admaŭlajecca ad kureńnia, to mienavita hetyja kletki pačynajuć raści i zamianiać paškodžanyja kletki ŭ lohkich.

U tych, chto admoviŭsia ad kureńnia, da 40% kletak u lohkich mohuć vyhladać roŭna hetak ža, jak u ludziej, što nikoli nie kuryli.

Vydatnyja prykłady — heta pacyjenty, jakija kidali paśla 40 hadoŭ kureńnia, i ŭ ich pačynałasia rehienieracyja kletak, jakija nijak nie byli paškodžanyja tytuniom.

Navukoŭcam jašče treba budzie zrazumieć, u jakoj miery lohkija byłych kurcoŭ zdolnyja adnaŭlacca.

Daśledavańnie było zasiarodžana na asnoŭnych dychalnych šlachach i nie vyvučała, u pryvatnaści, alvieoły ​​— mikraskapičnyja lohačnyja struktury, jakija ŭdzielničajuć u pracesie spažyvańnia arhanizmam kisłarodu.

Pavodle daśledavańniaŭ, ludzi, što kidajuć kuryć, užo ź pieršaha dnia biez tytuniu źnižajuć ryzyku zachvareć na rak lohkich.

Kamientary

Ciapier čytajuć

«Pa adčuvańniach, chvarejuć usie»: piedyjatr pra situacyju z hrypam u Biełarusi2

«Pa adčuvańniach, chvarejuć usie»: piedyjatr pra situacyju z hrypam u Biełarusi

Usie naviny →
Usie naviny

Śledam za dubajskim šakaładam u Biełaruś prychodziać «aniolskija vałasy»3

Jak vyhladajuć čerhi na maršrutki ź Minska ŭ Barysaŭ i Žodzina VIDEA5

Pamiatajecie stvaralnika adyjoznaha sajta «Litkrytyka», jaki byŭ palitviaźniem? Zdajecca, jaho aryštavali znoŭ3

Dla biblijateki imia Karatkieviča ŭ Rahačovie zakuplajuć tysiačy knih, ale nivodnaj na biełaruskaj movie16

Błohieru Mełstroju adpravili pozvu na dopyt u pasolstva Rasii ŭ Čarnahoryi3

U Minsku stali pradavać biarozavy sok

Piaskoŭ skazaŭ, što Biedros Kirkoraŭ prajšoŭ Vialikuju Ajčynnuju vajnu. Ale tamu było 9 hadoŭ u 1941-m21

Navukoŭcy zmahli vyznačyć mahčymych svajačak Jefrasińni Połackaj dziakujučy hienietyčnamu analizu9

U Minsku sutyknulisia dźvie lehkavuški i maršrutka

bolš čytanych navin
bolš łajkanych navin

«Pa adčuvańniach, chvarejuć usie»: piedyjatr pra situacyju z hrypam u Biełarusi2

«Pa adčuvańniach, chvarejuć usie»: piedyjatr pra situacyju z hrypam u Biełarusi

Hałoŭnaje
Usie naviny →

Zaŭvaha:

 

 

 

 

Zakryć Paviedamić