Łukašenka druhi raz za tydzień sustreŭsia ź Miadźviedzievym — hety raz u Sočy, kab «pahutaryć ab zamiežnapalityčnych aśpiektach».
Łukašenka druhi raz za tydzień sustreŭsia ź Miadźviedzievym — hety raz u Sočy, kab «pahutaryć ab zamiežnapalityčnych aśpiektach».
21 sakavika ŭ Krasnaj Palanie, pad Sočy, prachodzić sustreča Dźmitryja Miadźviedzieva i Alaksandra Łukašenki. Jak paviedamiła pres-słužba prezydenta Biełarusi, Alaksandar Łukašenka «znachodzicca z rabočym vizytam u Rasiejskaj Federacyi pa zaprašeńni svajho rasiejskaha kalehi Dźmitryja Miadźviedzieva».
«U adpaviednaści z damoŭlenaściami, dasiahnutymi padčas sustrečy kiraŭnikoŭ dziaržaŭ 19 sakavika, prezydenty praciahnuli raspačatuju razmovu ŭ niefarmalnaj abstanoŭcy ŭ Sočy. Na paradku dnia — šyrokaje koła pytańniaŭ dvuchbakovych adnosinaŭ, mižnarodnaja prablematyka», — havorycca ŭ aficyjnym paviedamleńni.
Pavodle infarmacyi pres-słužby, «u pačatku sustrečy kiraŭniki dziaržaŭ abmierkavali mahčymaść pabudovy abjektaŭ zimovaj Alimpijady 2014 hoda z udziełam biełaruskich budaŭnikoŭ. Dźmitryj Miadźviedzieŭ, u pryvatnaści, prapanavaŭ biełaruskamu boku ŭziać udzieł u niekalkich bujnych prajektach. Alaksandar Łukašenka ŭ suviazi z hetym paviedamiŭ rasiejskamu kalehu, što Biełaruś realizuje bujny investycyjny prajekt pa budaŭnictvie bijatłonnaha stadyjonu».
«My chočam, kab vy ŭnikli ŭ chod budaŭnictva i akazali nam sadziejničańnie», — cytuje Łukašenku pres-słužba.
Pry abmierkavańni samitu krain «vialikaj dvaccatki», jaki maje adbycca 2 krasavika ŭ Londanie, Łukašenka zajaviŭ, što Biełaruś «absalutna padtrymlivaje» prapanovy rasiejskaha boku, padrychtavanyja da samitu.
Pavodle źviestak RIA «Novosti», Łukašenka taksama zaznačyŭ, što paśla sustrečy 19 sakavika ŭ Zavidavie «zastaŭsia pakiet pytańniaŭ», jakija im z prezydentam Rasiei nieabchodna abmierkavać. «Tady abmiarkoŭvali antykryzisnyja miery, ekanomiku, ale zastaŭsia niekatory pakiet pytańniaŭ, jaki my pavinny abmierkavać. Pa zamiežnapalityčnych aspektach, viadoma, vielmi pažadana pahutaryć, kab nie było nijakich roznačytańniaŭ», — cytuje ahienctva Łukašenku.
U razmovie z karespandentam BiełaPAN kiraŭnik pres-słužby prezydenta Biełarusi Pavał Lohki abvierh čutki ab tym, što A.Łukašenka adpraviŭsia ŭ Sočy adrazu paśla pieramoŭ u Zavidavie. «Paśla sustrečy ź Dźmitryjem Miadźviedzievym u Zavidavie 19 sakavika prezydent viarnuŭsia ŭ Miensk», — zajaviŭ Lohki.
Ciapier čytajuć
Ipešnik u Minsku pisaŭ ananimki na kankurentaŭ, u tym liku i palityčnyja. Zafiksavana 18 epizodaŭ2
Kamientary