Siarod biełaruskich školnikaŭ časam pravodziać apytańni, kab zrazumieć ich husty ŭ ježy.
«Pa vynikach apytańnia ŭviali ŭ viasnovy racyjon płoŭ i bulbianuju babku. Źjaviłasia takaja krupa, jak bułhur, usie stravy hatujem na karysnym rapsavym alei. Blinčyki padajem z šakaładnym sousam. Jaho recepturu śpiecyjalna dla dziciačaha charčavańnia raspracavaŭ pastaŭščyk. A jašče prapanujem dzieciam tamatny sous «Kazka». U im niama nivodnaha zabaronienaha inhredyjenta. Jon vydatna dapaŭniaje pielmieni i karystajecca popytam. Možna nazvać jaho karysnym kietčupam», — raskazała «Minsk-Navinam» dyrektarka Kambinata školnaha charčavańnia Ludmiła Krupskaja.
Adnojčy arhanizavali dla dziaciej dehustacyju syru, kab daviedacca, jaki syr im bolš padabajecca. Školnikam prapanavali pakaštavać niekalki vidaŭ ćviordaha syru z syčužnym fiermientam, macarełu ŭ vyhladzie šarykaŭ i bruska. Vyśvietliłasia, što na śniadanak dzieci addajuć pieravahu buterbrodu ź ćviordym syram, a dla zapiakańnia straŭ junyja dehustatary vybrali macarełu.
Taksama pasprabavali vykarystoŭvać zamiest śviežaj sadaviny fruktova-jahadnaje piure — vučniam taksama spadabałasia.
Top-5 lubimych straŭ dziaciej sa školnaha mieniu:
- Pielmieni sa śmiatanaj i tamatnym sousam.
- Kuračka «Pikantnaja» (ź miakaci ściahna kurania).
- Šašłyčok «Školny» (z kurycy).
- Sałat «Kukuruzka» (z kansiervavanaj kukuruzaj, viandlinaj i śviežym ahurkom).
- Bulbianoje piure.
Navukoŭcy Akademii navuk raspracavali alternatyvu čypsam. Ich taksama možna nabyć dla pierakusu ŭ školnych bufietach. Praŭda, dzieci nazyvajuć čypsami kukuruznyja šaryki z cybulaj i syram. Jany nie škodziać arhanizmu, što raście, bo ŭtrymlivajuć tolki biaśpiečnyja inhredyjenty.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary