Ab hetym kiraŭnik dziaržavy zajaviŭ na sustrečy z pasłom KNR u Biełarusi Cuj Cyminam. Kiraŭnik dziaržavy adznačyŭ, što Biełaruś nie začyniała miažu z anivodnaj krainaj. Ale vielmi surjozna kantraluje situacyju z punktu hledžańnia pryjezdu hramadzian z epidemijałahična niespryjalnych krain, u tym liku z Hiermanii, Francyi i Italii, piša sb.by
— Da nas pryjazdžajuć roznyja ludzi, ale ŭ aeraporcie (u asnoŭnym heta pavietranyja znosiny) my vielmi surjozna kantralujem tych, chto prybyvaje ŭ Biełaruś, — skazaŭ Alaksandr Łukašenka.
— U sutki byvaje nivodnaha zaražanaha karanavirusam. Byvaje dva-try čałavieki, ale biez usialakich simptomaŭ. My ich abaviazkova, viadoma, na karancin sadžajem. Praz tydzień-paŭtara jany vychodziać. Praŭda, klajmiać nas roznymi słovami, što my ich darma zatrymali, ale takaja situacyja. Tamu ja malu Boha, kab my i dalej takim čynam prajšli hety pik virusnych zachvorvańniaŭ, i situacyja stabilizavałasia dakładna tak, jak jana ŭ vas siońnia stabilizavałasia, ludzi viartajucca da narmalnaha žyćcia.
Jon źviarnuŭ uvahu, što ŭ Biełarusi pa radzie kitajskich śpiecyjalistaŭ pad asablivaj apiekaj znachodziacca pažyłyja ludzi, jakija najbolš uraźlivyja da virusaŭ. Adnak pry hetym Alaksandr Łukašenka dadaŭ, što jaho turbuje inšaja tendencyja:
- My niejak kinulisia na karanavirus. Siońnia ja papiaredziŭ Ministerstva achovy zdaroŭja i kiraŭnika Administracyi, jon zajmajecca hetym pytańniem: my mienš pačali nadavać uvahu inšym chvarobam. Bo ad karanavirusa u nas, ćfu-ćfu, nie zahinuŭ jašče nivodny čałaviek, a ad inšych chvarob ludzi hinuć. Tamu ja papiaredziŭ, kab daktary nie asłablali ŭvahu da ludziej ź inšymi chvarobami.
Jon padkreśliŭ, što najbolš schilnyja da zaražeńnia ŭsiakaha rodu virusami i traplajuć u balnicu ŭ asnoŭnym ludzi, jakija majuć nie adnu chvarobu, a ceły bukiet: sardečna-sasudzistyja zachvorvańni, chvaroby orhanaŭ dychańnia, hipiertanija, lišniaja vaha, cukrovy dyjabiet i inšaje.
— Viadoma, luby virus na takoha čałavieka kidajecca i pačynaje jaho treści, — skazaŭ Alaksandr Łukašenka. — U daktaroŭ našych pakul atrymoŭvajecca spraŭlacca, ale rassłablacca my nie płanujem.
Kiraŭnik dziaržavy adznačyŭ, što BRSM, sacyjalnyja słužby, vałanciorskija arhanizacyi dapamahajuć pažyłym ludziam z dastaŭkaj na dom lekaŭ, praduktaŭ charčavańnia, i hetaja praca budzie ŭzmocniena:
— Robim heta zychodziačy z žyćcia. Usialakaje ŭ žyćci byvaje, ale hałoŭnaje — nie panikavać. Bo ja bolš za ŭsio bajusia, što ludzi zachvarejuć psichozam, navat ad taho, što adbyvajecca ŭ ŚMI. Ad psichozu buduć astatnija chvaroby. Tak havorać i śpiecyjalisty. Tamu vaš vopyt, naš vopyt my vykarystoŭvajem, kab na hranična dapuščalnym dla nas uzroŭni prajści voś hety pik. Vytrymajem da pravasłaŭnaha Vialikadnia [19 krasavika — NN] — značyć, žyć budziem.
Kamientary