«Kamunarka» prarekłamavała šakaład «Hubopovskij» u sacsietkach
Videarekłama šakaładu, nazvanaha ŭ honar hałoŭnaj karnaj struktury režymu Łukašenki, źjaviłasia ŭ sacyjalnych sietkach kandytarskaj fabryki «Kamunarka».
U «kreatyŭnym» rekłamnym roliku čałaviek u cyvilnym (mahiloŭski błohier) źviartajecca da «bandytaŭ, karupcyjanieraŭ i ekstremistaŭ». Prezientavany im šakaład, pa jaho słovach, «pazbavić ad kiepskich dumak, karysny dla mozhu i padymie nastroj».
Samo pradpryjemstva napisała, što šakaład vyrabili jany, i ličyć, što heta «idealnaja rekłama».
Praŭda, entuzijazmu ad patencyjnych pakupnikoŭ pakul nie vidać, u Threads post z rolikam za 7 hadzin sabraŭ usiaho 4 łajki i 4 kamientary. Usie jany admoŭnyja:
«Cudoŭny prykład, jak adzin niedaloki smmščyk moža abnulić usie namahańni vytvorcaŭ»;
«Jakoje brydoćcie. Spadziajusia, heta pabačyć jak maha bolej ludziej i jany bolš nikoli ničoha nie buduć u vas nabyvać;
«Paka-paka, ciapier rodnych budziem prasić pryvozić tolki Spartak».
Paźniej «Kamunarka» vydaliła heta videa. Vyhladaje, što hety šakaład byŭ vyrableny nie dla prodažu, a na zamovu siłavych struktur, da jubileju HUBAZiKa.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary