Stali viadomyja padrabiaznaści žorstkich ździekaŭ z vučnia ŭ adnoj sa škoł Hrodna, jakoha padletki padviesili ŭ tualecie i zdymali heta na videa, paviedamlaje telekanał «Hrodna Plus».
Raniej paviedamlałasia, što ŭ adnoj sa škoł Hrodna zdaryŭsia vypadak žorstkaha bulinhu: hrupa padletkaŭ ździekavałasia sa svajho adnahodka i zdymała heta na videa.
Pavodle słoŭ paciarpiełaha, usio pačałosia ŭ školnym tualecie, dzie znachodzilisia troje padletkaŭ. Spačatku jany pačali jaho chapać i ciahnuć za humku ad trusoŭ. Chłopcu ŭdałosia vyrvacca i vybiehčy, ale jaho dahnali, znoŭ zanieśli ŭ tualet i ŭžo tam utroch padniali i padviesili na kručok za tuju ž humku (raniej paviedamlałasia, što za partfiel).
Pa słovach chłopca, jon pytaŭsia, navošta jany heta robiać, ale ŭ adkaz tyja tolki śmiajalisia i praciahvali zdymać usio na telefon.
Paśla hetaha padletki pajšli, pakinuŭšy jaho adnaho. Chłopiec śćviardžaje, što pravisieŭ u biezdapamožnym stanie kala 20—30 chvilin, pakul nie zmoh samastojna vyzvalicca.
Pra zdareńnie darosłyja daviedalisia vypadkova. U toj dzień baćku vyklikali ŭ škołu pa inšaj pryčynie, i spačatku padumali, što syn prosta ŭciok z uroka. Tolki potym vyśvietliłasia, što jon uvieś hety čas znachodziŭsia ŭ tualecie paśla ździekaŭ.
Sam školnik doŭha nie chacieŭ ničoha raskazvać, bo jamu było soramna. Jon navat nie źbiraŭsia paviedamlać pra heta, bo ličyŭ, što skardzicca ŭ takoj situacyi «nie pa-pacansku».
U vyniku ŭ dačynieńni da ŭdzielnikaŭ incydentu składzienyja administracyjnyja pratakoły za drobnaje chulihanstva. Spravy 14‑ci i 17‑ci hadovych padletkaŭ buduć razhladacca kamisijaj pa spravach niepaŭnaletnich, a 18‑hadovaha ŭdzielnika čakaje sud.
U Hrodnie troje školnikaŭ ździekavalisia ź inšaha padletka: padviesili za partfiel u prybiralni
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna
Što rabić baćkam, kali ich dzicia ckujuć u škole, kab bulinh nie skončyŭsia trahiedyjaj? Tłumačyć psichołah
U Breście dziesiacikłaśnik-kadet skončyŭ žyćcio samahubstvam
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie
Kamientary