«Inkryminavali «zdradu dziaržavie», a jon sam prosta abstukvaŭ koły ŭ ciahnikoŭ»
Były palitźniavoleny Ihar Łosik, kali daznaŭsia pra siońniašni chapun ŭ minskim ofisie architekturnaj studyi ZROBIM architects, uzhadaŭ padobny vypadak, jaki adbyŭsia z adnym ź jahonych adnakamiernikaŭ.
«Kali ja siadzieŭ u SIZA KDB, sa mnoj u kamiery siadzieŭ čyhunačnik Kanstancin Michajłoŭski. Jon raskazvaŭ, što ŭ śniežni 2024 hoda ŭ čyhunačnym depo adbyŭsia taki samy «chapun», zatrymali 52 čałavieki. Praca depo całkam spyniłasia.
Ludziam inkryminavali «zdradu dziaržavie», a jon sam prosta abstukvaŭ koły ŭ ciahnikoŭ. Vyśvietliłasia, što ŭ ich tam kaliści pracavaŭ niejki čałaviek, jaki źjechaŭ u Polšču i ŭstupiŭ u «Rabočy ruch» (pavodle viersii śledstva).
I ŭsich, chto ź im kamunikavaŭ, pierapisvaŭsia ci prosta pracavaŭ kaliści razam, tupa zatrymali. Kościa prosta siadzieŭ bieź śledčych dziejańniaŭ, nie razumiejučy za što i ź pierśpiektyvaj atrymać minimum 10 hadoŭ».
Nahadajem, što siłaviki pryjšli ŭ ofis ZROBIM architects, raźmieščany ŭ Minsku, 9 krasavika kala 11‑j hadziny ranicy.
Pavodle najaŭnaj infarmacyi, byli zatrymanyja ŭsie supracoŭniki, jakija ŭ toj momant znachodzilisia na pracoŭnych miescach. Havorka idzie prykładna pra 50 čałaviek. Siarod zatrymanych nibyta i suzasnavalnik — Andrej Makoŭski.
Pryčyny cikavaści siłavikoŭ da adnoj z samych viadomych i paśpiachovych architekturnych studyj Biełarusi na hety momant nieviadomyja.
U minski ofis architekturnaj studyi ZROBIM architects pryjšli siłaviki
Łosik raskazaŭ, jak epična spaliŭsia padsadny aryštant u kamiery SIZA KDB
Łosik raskazaŭ, praź jakija pakuty prajšoŭ muzyka Tor Band Jaŭhien Burło
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Ciapier čytajuć
U Minsku pradajuć dom na vadzie. Kolki prosiać za niezvyčajny abjekt na Čyžoŭskim vadaschoviščy?3
Kamientary
Karniki, nieludzi, istoty, palicejski režym, novaje NKUS, mianty, vaŭki, łancuhovaja psy, zabojcy, bandyty pry pahonach - vam jašče padkinuć vyrazaŭ dla poŭnamaštabnaha adlustravańnia realnaści?
jorničańnie tut "mima kasy".
voś nie viedaju, ci niasie toj supracoŭnik čyhunki adkaznaść, kali potym ciahnik akažycca z prablemaj?
---
Prastukvańnie kołaŭ vahonaŭ małatkom - heta mietad ekspres-dyjahnostyki, jaki vykonvajuć ahladščyki vahonaŭ na prypynkach dla pravierki cełasnaści kołavych par. Zvonki huk aznačaje spraŭnaść, a hłuchi huk sihnalizuje ab najaŭnaści ŭtojenych raskolin, defiektaŭ ci pasłableńni detalaŭ, što dazvalaje praduchilić krušeńnie ciahnika.