MZS Litvy vydała notu pratestu suprać Biełarusi i pryhraziła znoŭ zakryć miažu
Ministerstva zamiežnych spraŭ Litvy vykazała Biełarusi rezki pratest z-za parušeńniaŭ pavietranaj prastory i rostu nielehalnaj mihracyi.
Pavodle paviedamleńnia MZS, 9 krasavika z terytoryi Biełarusi byli zapuščanyja pavietranyja šary kantrabandystaŭ, jakija ŭvajšli ŭ pavietranuju prastoru Litvy i stvaryli pahrozu dla cyvilnaj avijacyi. Z-za hetaha pavietranaja prastora nad Vilenskim aeraportam była abmiežavanaja bolš čym na siem hadzin.
Litoŭskaje MZS taksama adznačyła, što ŭ apošni čas uzmacnilisia arhanizavanyja sproby nielehalnaha pierasiačeńnia miažy z boku Biełarusi. Z pačatku hoda ŭžo zafiksavana 347 takich vypadkaŭ.
U suviazi z hetym Litva patrabuje ad Biełarusi nieadkładna spynić sistematyčnyja parušeńni pavietranaj prastory i suchaputnaj miažy.
U advarotnym vypadku kraina pakidaje za saboj prava ŭvieści dadatkovyja abmiežavańni na ruch praz pahraničnyja punkty i pryniać inšyja miery dla abarony biaśpieki i cyvilnaj avijacyi.
2 krasavika prezident Litvy Hitanas Naŭsieda, adkazvajučy na pytańnie na pytańnie adnosna pierśpiektyŭ dyjałohu z łukašenkaŭskaj Biełaruśsiu, skazaŭ:
«Kali ŭ bližejšyja niekalki tydniaŭ, na praciahu čatyroch tydniaŭ, nie budzie šaroŭ, nie budzie nielehalnych mihrantaŭ, usie fury paśpiachova viernucca ŭ Litvu, i sapraŭdy buduć prademanstravany namahańni režymu pa narmalizacyi adnosin, prynamsi biez stvareńnia napružanaści dla svajho susieda, my rascenim heta jak znak dobraj voli i, mahčyma, pačniom taki dyjałoh, ale dla hetaha pavinny być vielmi vyraznyja ŭmovy, a tyja, što isnujuć na dadzieny momant, vielmi dalokija ad tych, jakija možna było b ujavić dla pačatku dyjałohu».
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary