Kačanava prapanavała ŭvieści adkaznaść za «niapraŭdu ŭ tyktoku»
«Razumiejecie, potym mnohija ludzi i struktury zajmajucca hetymi pytańniami, adciahvajučy svaju ŭvahu ad asnoŭnaj pracy».
— Kali pačynajuć raźbiracca bolš hłyboka i detalova ŭ tym, pra što zajaŭlajuć našy hramadzianie, vykładvajučy infarmacyju ŭ tyktok abo ŭ jaki-niebudź inšy infarmacyjny kanał, to časta heta absalutna niedakładnaja infarmacyja, — zajaviła Kačanava ŭ efiry telekanała «Pieršy infarmacyjny».
Jana dadała, što ludzi pavinny być całkam upeŭnieny ŭ tym, pra što jany raskazvajuć u sacsietkach, tamu i pavinna być adkaznaść za toje, što karystalniki vykładvajuć u publičnuju prastoru.
Kačanava adznačyła, što ludzi lohka vierać tamu, što napisana ŭ sacyjalnych sietkach, i časta ŭ ich składvajecca niehatyŭnaje mierkavańnie pra toje, što adbyvajecca.
— Razumiejecie, potym mnohija ludzi i struktury zajmajucca hetymi pytańniami, adciahvajučy svaju ŭvahu ad asnoŭnaj pracy, raźbirajucca, udakładniajuć, a heta akazvajecca nasamreč nie tak. Jany b u hety čas mahli zajmacca inšymi pytańniami, byŭ by vynik, a tut na pustym miescy…, — zajaviła Kačanava.
Adnak śpikierka Savieta Respubliki zajaviła, što zvaroty i dalej buduć vyvučacca.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary