Apublikavanaja statystyka testaŭ na karanavirus na dušu nasielnictva. Biełaruś 48-ja z 207
U Biełarusi, pavodle apošniaj infarmacyi, praviedziena kala 32 000 testaŭ (dakładnaja ličba nie nazyvałasia).
Heta 3386 na kožny miljon nasielnictva, što robić našu krainu 48-j z 207 u śviecie pa hetym pakazčyku.
Partał Worldometer apublikavaŭ źviestki pra kolkaść testaŭ, praviedzienych u roznych krainach.
U Biełarusi ŭ sakaviku teściravali bolš, čym u Brytanii, Słavaččynie i Polščy (u apošniaj — 1769 testaŭ na miljon, 60-ja pazicyja ŭ śpisie), ale mienš, čym u Litvie, Estonii, Łatvii, Hiermanii (u apošniaj — 10962 testy na miljon, 18-ja pazicyja ŭ śpisie). Kolkaść praviedzienych testaŭ na dušu nasielnictva ŭ Rasii (44-ja pazicyja ŭ śpisie) i Biełarusi prykładna adnolkavaja.
U našaj krainie, zhodna z aficyjnaj statystykaj, było praviedziena ŭ 30 razoŭ bolš testaŭ na dušu nasielnictva, čym va Ukrainie, ale ŭ 6 razoŭ mienš, čym u Narviehii.
Čytajcie taksama: U Minsku ad karanavirusa pamior 60-hadovy inžynier adnaho z sakretnych pradpryjemstvaŭ. U jaho nie było chraničnych zachvorvańniaŭ
Prablema ŭ Biełarusi była z chutkaściu praviadzieńnia daśledavańniaŭ, u vyniku čaho pacyjenty z karanavirusnymi pnieŭmanijami zašmat času pravodzili ŭ zvyčajnych pulmanałahičnych adździaleńniach. Možna spadziavacca, što z adkryćciom novych łabaratoryj, pra što paviedamlałasia, adździalać ludziej z COVID-19 ad inšych chvorych buduć chutčej.
Čytajcie taksama: U Viciebsku ad ciažkaj pnieŭmanii pamierła 47-hadovaja miedsiastra. Pieršaja takaja śmierć miedrabotnika
Ciapier čytajuć
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych2323
Kamientary