Minzdaroŭja raskazała, kolki balničnych łožkaŭ jašče zastajecca ŭ reziervie dla lekavańnia pacyjentaŭ z karanavirusam
Ciapier u Biełarusi zadziejničana pałova z balničnych łožkaŭ, zareziervavanych dla lekavańnia pacyjentaŭ z karanavirusnaj infiekcyjaj.
Pra heta na bryfinhu ŭ Minsku 24 krasavika paviedamiła namieśnica ministra achovy zdaroŭja Alena Bohdan.
U reziervie pad lekavańnie pacyjentaŭ z karanavirusam zastajecca kala 9500 łožkaŭ, bolš za 600 ź ich abstalavanyja aparatami štučnaj vientylacyi lohkich, skazała jana.
Na siońnia, paviedamiła jana, u stacyjanarach lažać 4733 pacyjentaŭ z COVID-19. Astatnija majuć lohkuju formu zachvorvańnia i lekujucca doma.
«Pad asablivym kantrolem znachodziacca 114 čałaviek, u tym liku i na aparatach štučnaj vientylacyi lohkich», — adznačyła Alena Bohdan.
Usiaho ŭ Biełarusi prykładna 80 tysiač balničnych łožkaŭ i 2300 aparataŭ štučnaj vientylacyi lohkich. Pa hetych pakazčykach Biełaruś adnosicca da hrupy samych zabiaśpiečanych u śviecie krain.
U baraćbie z karanavirusam zadziejničana 18% ad ahulnaj kolkaści daktaroŭ i 18% ad kolkaści siaredniaha miedpiersanału, zajaviła Alena Bohdan.
Kamientary