Sienatarka ad Minska aburyłasia ŭ fejsbuku hrodzienskim pikietam Cichanoŭskaj. Atrymała dźvie tysiačy hnieŭnych kamientaŭ
Sienatarka ad Minska Maryna Iljina apublikavała ŭ fb dopis, dzie aburajecca pikietam Siarhieja Cichanoŭskaha ŭ Hrodnie.
«Chaču žyć spakojna ŭ mirnaj krainie. Ja nikoli raniej nie zajmałasia palitykaj, ale mianie zaŭsiody cikaviła toje, što adbyvajecca ŭ majoj krainie. Učarašni pikiet u Hrodnie za vyłučeńnie Śviatłany Cichanoŭskaj mianie aburyŭ, — piša jana. — Kali čałaviek imkniecca ŭ vialikuju palityku, to jon pavinien pierš za ŭsio dumać pra biaśpieku tych akcyj, jakija jon pravodzić. Ja dumała, što pikiety možna vykarystoŭvać nie tolki dla zboru podpisaŭ, ale i dla znosin inicyjatyvaj hrupy z patencyjalnymi vybarščykami. Čamu niekatoryja inicyjatyŭnyja hrupy tak vybaračna majuć znosiny z narodam. Ja nie chaču paŭtareńnia scenaryjaŭ masavych biesparadkaŭ, jak na Ukrainie padčas pieradvybarnaj kampanii. Ja chaču spakojna chadzić pa horadzie i adpuskać svaich dziaciej biez bojazi. Kali akcyi ŭsich patencyjnych kandydataŭ buduć mirnymi, to i davier u vybarščykaŭ budzie bolšy».
Za hadzinu jana atrymała bolš za 900 kamientaŭ, u bolšaści aburanych, ludzi pieravažna staviać razzłavanyja smajliki. Paźniej kolkaść krytyčnych kamientaŭ dasiahnuła 2000.
Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ2
Kamientary