Rasija nie bačyć padstaŭ dla ŭviadzieńnia maratoryju na vajennyja dziejańni ŭ Čornym mory. Pra heta 14 žniŭnia zajaviła pradstaŭnica MZS Rasii Maryja Zacharava.
Pa słovach Zacharavaj, Maskva nie zacikaŭlenaja ŭ «paŭmierach», jakija, na dumku rasijskaha boku, mahli b dać Ukrainie časovy pieradych. Jana taksama abvinavaciła Ukrainu ŭ atakach na sudnachodstva, nazvaŭšy ich «aktami teraryzmu». Pry hetym jana nie zhadała pra rasijskija ataki na kamiercyjnyja sudny ŭ Čornym mory.
Zacharava zajaviła, što Rasija razhladaje ŭkrainskija ataki jak śviadomuju palityku, nakiravanuju na destabilizacyju cyvilnaha sudnachodstva i dalejšaje abvastreńnie kanfliktu. Pavodle jaje śćviardžeńnia, prykmiet palapšeńnia situacyi Maskva nie bačyć, tamu nie ličyć nieabchodnym pahadžacca na časovaje spynieńnie bajavych dziejańniaŭ.
Takim čynam rasijski bok adreahavaŭ na prapanovu Turcyi ab uviadzieńni maratoryju na vajennyja apieracyi ŭ Čornym mory. Ministr zamiežnych spraŭ Turcyi Chakan Fidan raniej paviedamiŭ, što Ankara pieradała Rasii i Ukrainie adpaviednyja prapanovy.
Zacharava śćviardžaje, što aficyjnaj prapanovy ad Turcyi Rasija pakul nie atrymlivała. Jana taksama zajaviła, što Maskva nie razhladaje mahčymaść viartańnia da Čarnamorskaj zbožžavaj inicyjatyvy 2022—2023 hadoŭ, jakuju dapamahała arhanizoŭvać mienavita Turcyja. Rasijskaja pradstaŭnica nazvała tuju damoŭlenaść adnabakovaj.
Napiaredadni ahienctva Reuters paviedamiła, što Ukraina praz pasiarednika pieradała Rasii prapanovu ab uzajemnym spynieńni atak na cyvilnyja abjekty i sudnachodstva ŭ Čornym mory.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»2
Kamientary
Pujło nia budzie zakančvać vajnu, jon paviadzie Maskoviju na jadziernuju katastrofu. Ad maskoŭcaŭ ničoha nie zaležyć, aproč paŭstańnia ci vyrašeńnia pytańnia z pujłom jak ź Mikałajem Kryvavym ci metodaju jak Alaksandar zabiŭ svajho baćku.