Capkału zdymajuć z vybaraŭ. Babaryka i Cichanoŭskaja pakul zastajucca
CVK abviaściŭ danyja ab pryniatych u padtrymku vyłučeńnia kandydataŭ u prezidenty podpisach.
- Alaksandr Łukašenka — 1 939 572 podpisy
- Viktar Babaryka — 165 744
- Hanna Kanapackaja — 146 588
- Siarhiej Čeračań — 143 109
- Andrej Dźmitryjeŭ — 106 841
- Śviatłana Cichanoŭskaja — 104 757
- Valeryj Capkała — 75 249
Takim čynam, na hetym etapie kampanii z honki dakładna vybyvaje eks-kiraŭnik PVT Valer Capkała. Jon zdaŭ bolš za 160 tysiač podpisaŭ, ale ŭ mnohich bujnych haradach ich uščent zarezali.
Capkała jašče moža abskardzić rašeńnie CVK, adnak heta nikoli nie davała plonu.
Astatnich pretendentaŭ pakul jašče nie rehistrujuć kandydatami, ich mohuć źniać z vybaraŭ, naprykład, za nienaležnuju dekłaracyju ab dachodach.
Adnak užo ciapier źviartaje ŭvahu, što ŭ Babaryki pryznali mienš za pałovu z sabranych im podpisaŭ. U toj ža čas CVK abvieściŭ pra bolšuju kolkaść podpisaŭ u Kanapackaj i Čeračnia, čym nazyvali jany sami.
Kamientary