Atrymałasia prysabiečyć 90 tysiač rubloŭ.
Śpiecyjalistka bolš za piać hadoŭ vynosiła z banka hrošy, pakul schiemu nie raskryli. Padrabiaznaści «Biełcy» raskazali ŭ haradskoj prakuratury.
U bank žycharka Homiela ŭładkavałasia ŭ 2017 hodzie. Jana pavinna była pracavać z naviedvalnikami, akazvajučy standartny nabor pasłuh. Za nastupnyja try hady fihurantka spravy dobra vyvučyła ałharytmy ruchu, afarmleńnia i zachoŭvańnia hrošaj, jakija pastupali ŭ adździaleńnie.
U 2020 hodzie była prydumanaja schiema vynasu hrošaj z banka i zamiatańnie śladoŭ.
Vykryć rabotnicu ŭdałosia tolki ŭ krasaviku hetaha hoda. Za hety čas jana paśpieła skraści ŭ banka bolš za 90 tysiač rubloŭ i patracić ich na siabie. Padrabiaznaści nie raskryvajucca, kab u inšych nie ŭźnikła žadańnia pajści pa jaje śladach.
«Joj vystaŭlena abvinavačańnie ŭ prysvajeńni majomaści asobaj, jakoj jana była davieranaja, u asabliva bujnym pamiery. Śledstva zavieršana, sprava nakiravana ŭ sud. Abvinavačanaj pahražaje ad 3 da 12 hadoŭ pazbaŭleńnia voli», — prakamientavaŭ situacyju namieśnik prakurora Homiela Pavieł Čyrykaŭ.
Kamientary