Brazilskaja asacyjacyja presy (ABI) źbirajecca padać u sud na prezidenta krainy Žaira Bałsanaru z-za taho, što jon padvierhnuŭ žurnalistaŭ ryzycy zarazicca karanavirusam. Pra heta paviedamlajecca na sajcie ABI.
7 lipienia Bałsanaru padčas pres-kanfierencyi paviedamiŭ, što jaho test na novy karanavirus daŭ stanoŭčy vynik. Pavodle źviestak ABI, kiraŭnik dziaržavy pry hetym «parušyŭ rekamiendavany daktarami režym izalacyi», nie vykonvaŭ dystancyju i źniaŭ masku.
«Niahledziačy na toje, što jon viedaŭ, što zaražany COVID-19, prezident Žair Bałsanaru praciahnuŭ dziejničać złačynnym čynam i padviarhać ryzycy žyćci inšych ludziej», havorycca ŭ zajavie.
U asacyjacyi prezidenta abvinavacili ŭ parušeńni dvuch artykułaŭ Kryminalnaha kodeksa, u tym liku ŭ «raspaŭsiudzie infiekcyjnych zachvorvańniaŭ». Hetyja artykuły praduhledžvajuć turemnaje źniavoleńnie i štraf. «Sutyknuŭšysia z takoj situacyjaj, ABI padaje ŭ Viarchoŭny sud na prezidenta», — havorycca ŭ zajavie.
6 lipienia Bałsanaru raspavioŭ, što ŭ jaho padniałasia tempieratura da 38 hradusaŭ i źjaviłasia słabaść. Na nastupny dzień jon paviedamiŭ ab stanoŭčym vyniku testu na karanavirus i zajaviŭ, što ŭžo adčuvaje siabie lepš.
Raniej Bałsanaru admaŭlaŭ niebiaśpieku karanavirusa, nazyvajučy jaje pierabolšanaj. Doŭhi čas admaŭlaŭsia ŭvodzić u Brazilii abmiežavalnyja miery, u pryvatnaści, vystupaŭ suprać sacyjalnaj dystancyi i zakryćcia kramaŭ. Taksama jon praciahvaŭ sustrakacca sa svaimi prychilnikami i časta źjaŭlaŭsia na publicy biez maski.
-
Patryjarch Kirył u krasaviku pavinšavaŭ viernikaŭ sa śviatam, jakoje adznačajuć u studzieni. I heta nie była ahavorka
-
Siłaviki pryjšli ŭ redakcyju «Novoj haziety» ŭ Maskvie
-
U Vašynhtonie vielmi niezadavolenyja dziejnaściu Lva XIV. Papskaha nuncyja vyklikali ŭ Pientahon i čytali lekcyju pra Avińjonski pałon
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary