Hran-pry «Słavianskaha bazara» atrymaŭ biełaruski vykanaŭca ź pieśniaj na słovy Bahdanoviča
Pradstaŭnik Biełarusi Raman Vałaźnioŭ zavajavaŭ Hran-pry konkursu vykanaŭcaŭ estradnaj pieśni XXIX «Słavianskaha bazaru ŭ Viciebsku», pieradaje BiełTA.
Pa vynikach dvuch konkursnych vystupleńniaŭ z kampazicyjaj «Śviača» na vieršy Maksima Bahdanoviča i suśvietnym chitom Autumn Leaves jon nabraŭ 134 bały. Ź fiestyvalnaha Viciebska pieramožca paviazie zapavietnuju ŭznaharodu «Lira» i hrašovuju premiju ŭ pamiery $20 tys. Taksama jon adznačany śpiecyjalnaj premijaj imia Uładzimira Mulavina za najlepšaje ŭvasableńnie nacyjanalnaj temy, vysokaje vykanalnickaje majsterstva.
Pieršaj premijaj i śpiecpryzam adznačana ŭkrainskaja śpiavačka Elina Ivaščanka, łaŭreatam druhoj premii stała Karalina Łynda ź Litvy. Treciuju členy žury padzialili pamiž pradstaŭnicaj Bośnii i Hiercahaviny Ivonaj Adycki i Chansułtanam z Kazachstana.
Śpiecyjalny pryz prezidenta Biełarusi «Słavianskaja nadzieja» prysudžany Elinie Ivaščanka (Ukraina). Kankursantka z Rasii Alena Freyman adznačana śpiecyjalnymi pryzami Parłamienckaha schodu sajuza Biełarusi i Rasii i teleradyjokampanii «Mir».
Za pieramohu ŭ XXIX mižnarodnym konkursie vykanaŭcaŭ estradnaj pieśni «Viciebsk-2020» zmahalisia ŭdzielniki z 14 krain: Armienii, Biełarusi, Bałharyi, Bośnii i Hiercahaviny, Italii, Kazachstana, Kuby, Łatvii, Litvy, Małdovy, Rasii, Sierbii, Ukrainy i Estonii.
Acenki sioleta vystaŭlali Ina Afanaśjeva (Biełaruś), Kiejt Rajan (Bielhija), Tomas Nievierhryn (Danija), Karłyhaš Abdzikarymava (Kazachstan), Ładzisłaŭ Bubnar (Słavakija), Natalla Bučynskaja (Ukraina) i narodny artyst Rasii Aleh Hazmanaŭ, jaki ŭznačalvaŭ žury.
Kamientary