Imia «hieroja SVA», što prakruciŭ u farš 8‑miesiačnuju dačku, zanieśli na vajskovy miemaryjał
Pradprymalnik z Rastova Jakaŭ Majbaroda atrymaŭ 15 hadoŭ kałonii strohaha režymu za žachlivaje zabojstva svajoj małoj dački, ale adpraviŭsia na vajnu suprać Ukrainy i zahinuŭ. Ciapier jaho imia zanieśli na pomnik pobač ź imionami ŭdzielnikaŭ Vialikaj Ajčynnaj vajny.
Imia Majbarody na miemaryjale ŭ pasiołku Čartkova Rastoŭskaj vobłaści znajšoŭ kanał «Post». Pomnik u pamiać pra hierojaŭ Vialikaj Ajčynnaj vajny i ŭdzielnikaŭ tak zvanaj «SVA» ŭračysta adkryli ŭ kancy vieraśnia.
«Jakaŭ na SVA zahinuŭ, pry šturmie. 3 krasavika 2025 hoda», — raskazaŭ vydańniu jaho dziadźka. Pachavańnie «było zvyčajnym», dadali susiedzi.
Pavodle «Posta», u 2025 hodzie Majbaroda prajhraŭ apielacyju na prysud. Kasacyjnuju skarhu padavać nie staŭ — vyrašyŭ padpisać vajskovy kantrakt. Na vajnu jon adpraviŭsia z kałonii.
Zabojstva vaśmimiesiačnaj dziaŭčynki adbyłosia ŭ 2024 hodzie. U sudzie Majbaroda i jaho žonka Anastasija pierakładali vinu adno na adnaho.
Pavodle Anastasii, muž źbiraŭsia razvodzicca. Jana pryhraziła spahnać ź jaho alimienty, paśla čaho jon zabiŭ dačku. Žančyna śćviardžała, što zatym muž pahražaŭ zabić i jaje. U vyniku jana dapamahała jamu pazbavicca ad cieła dziciaci.
«Jon składaŭ kavałki ŭ miasarubku, a ja trymała pakiet», — skazała Anastasija ŭ sudzie.
Cieła dziaŭčynki rasčlanili, pareštki prapuścili praz elektryčnuju miasarubku i ŭ pakietach pakłali ŭ marazilnik.
Paśla hetaha Anastasija vyklikała palicyju i zajaviła, što dačku vykrali nieviadomyja rabaŭniki. Palicyjanty abšukali kvateru i adpravili źmieściva marazilnika na ekśpiertyzu.
Jakaŭ u sudzie śćviardžaŭ, što nie zabivaŭ dzicia i ŭvohule nie byŭ doma ŭ momant zabojstva. Adnak raniej jon davaŭ inšyja pakazańni: kazaŭ, što vypadkova začapiŭ dačku ŭdaram nahi i dapamahaŭ rasčlaniać jaje cieła.
Sud pryznačyŭ jamu 15 hadoŭ kałonii strohaha režymu, Anastasii — 13 hadoŭ kałonii.
Jak paviedamlaje «Post», žančyna taksama prasiłasia na vajnu — miedykam. Da aryštu jana vučyłasia na apošnim kursie miedycynskaha ŭniviersiteta.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1010
Kamientary