«Ukraina daje vam kryły». Va ŭkrainskich Vajskova-marskich siłach źjaviłasia biełaruskaja śpiecrota
U Vajskova-marskich siłach Ukrainy źjaviłasia novaje biełaruskaje padraździaleńnie — śpiecrota bieśpiłotnych latalnych aparataŭ «Vola». Kiraŭničyja aficerskija pasady ŭpieršyniu buduć zajmać hramadzianie našaj krainy. Pra heta vydańniu «Lusterka» raskazaŭ vykanaŭca abaviazkaŭ kamandzira śpiecroty Mikita Zabuha. Infarmacyju paćvierdzili ŭ MZS Ukrainy.
Śpiecrota «Vola» ŭvachodzić u skład 447‑ha asobnaha bataljona Vajskova-marskich sił Ukrainy. Pavodle słoŭ Mikity Zabuhi (pazyŭny Akson), upor robicca na pracu z udarnymi bieśpiłotnikami, a taksama na srodki supraćpavietranaj abarony.
«My budujem elitnaje padraździaleńnie, jakoje zajmajecca dyp– i midłstrajkami, a taksama SPA. Tut atrymlivajuć navyki sučasnaj vajny, jakaja ŭ pieršuju čarhu zasnavanaja na ŭdziele aŭtamatyzavanych sistem viadzieńnia boju. Siońnia heta vajna dronaŭ, rakiet i artyleryi», — adznačyŭ kamandzir śpiecroty.
Pavodle słoŭ Zabuhi, usie kiraŭničyja pasady (aficerskija i siaržanckija) u śpiecrocie buduć zajmać biełarusy. Jon padkreślivaje, što raniej u biełaruskich farmavańniach Uzbrojenych sił Ukrainy padobnaj praktyki nie było: pasady aficeraŭ biełarusy nie zajmali. Hety fakt «Lusterku» paćvierdziŭ i pasoł pa asobych daručeńniach MZS Ukrainy Jarasłaŭ Čarnahor.
«Vajskova-marskija siły Ukrainy pajšli na taki ekśpierymient. Spadziajusia, biełarusy zmohuć skarystacca dadzienymi mahčymaściami. Ukraina daje vam kryły», — adznačyŭ ukrainski dypłamat.
Dakładnuju kolkaść asabovaha składu novaj struktury Mikita Zabuha raskryvać nie staŭ. Adnak jon adznačyŭ, što kamplektavańnie praciahvajecca i rota ŭžo prystupiła da vykanańnia zadač. Zabuha dadaje, što kandydaty ŭ śpiecrotu prachodziać žorstki adbor.
«Dobraachvotnikaŭ čakajuć testavańnie na palihrafie, psichałahičnyja pravierki i acenka stresaŭstojlivaści. My šukajem nie ŭsich — my šukajem svaich, chto razumieje, što svaboda nie prychodzić sama i za jaje treba zmahacca», — reziumavaŭ vykanaŭca abaviazkaŭ kamandzira «Voli».
Kijeŭ pačaŭ adździalać biełarusaŭ ad Łukašenki. Kali heta źmienić žyćcio biełarusaŭ va Ukrainie?
«Pytańnie spraviadlivaści». Udava biełaruskaha vajara zmahajecca va Ukrainie za vypłaty i hodnaje staŭleńnie
«Šaŭron možna źniać tolki z majho chałodnaha cieła». Dobraachvotnik «Sonia» — pra toje, čamu vajna dla jaho stała nadziejaj
Biełaruskaja vystava adkryłasia ŭ adnym z najbolšych muziejaŭ Kijeva
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary