Vydaviectva Gutenberg Publisher paviedamiła pra zaklučeńnie kantraktu na vydańnie i anansavała vychad biełaruskaha pierakładu knihi narviežskaj aŭtarki i ilustratarki Krystyn Rušyfte «Usie my ličymsia».
Hetaja kniha, adznačanaja mnostvam prestyžnych uznaharod, paśpieła stać ulubionaj dla čytačoŭ bolš jak 60 krain śvietu, piša bellit.info.
«Usie my ličymsia» — bliskučaje spałučeńnie knihi-razhladałki, knihi-ličyłki i ilustravanaj historyi pra čałaviectva. Čytač ličyć ludziej ad 0 da 8,3 miljardaŭ. Voś staronka, dzie nikoha niama, na nastupnaj źjaŭlajecca chłopčyk, jaki hladzić na zorki, a dalej kolkaść ludziej raście z kožnaj staronkaj. Prytym usie piersanažy na malunkach unikalnyja. Kali ŭvažliva sačyć za hierojami, možna zaŭvažyć, jak ich ściežki pierasiakajucca. Aŭtarka prapanuje nam nie prosta ličyć ludziej, ale i razhadvać ich tajamnicy, dumać pra ich pačućci, mary i strachi.
Heta interaktyŭnaja kniha dla siamiejnaha čytańnia, jakaja vučyć dziaciej empatyi, uvažlivaści i talerantnaści. Jaje možna pierahladać biaskonca i ŭvieś čas znachodzić niešta novaje. Akurat hety vimielbuch budzie cikavy ŭsim: małym, što vučacca ličyć, padletkam i navat darosłym, što lubiać kvizy ci zadački na łohiku, pamiać i ŭvahu, abo zdolnyja zrazumieć tonki psichałahizm i hłybokija fiłasofskija sensy.
Pierakłała knihu na biełaruskuju movu Jula Cimafiejeva.
Vimielbuch (niam. Wimmelbuch) — heta paznavalnaja dziciačaja knižka bujnoha farmatu z detalizavanymi ilustracyjami, nasyčanymi mnostvam piersanažaŭ i scenak dy poŭnaj adsutnaściu abo minimumam tekstu. Jany raźvivajuć maŭleńnie, fantaziju, trenirujuć pamiać i ŭvahu, umieńnie znachodzić pryčynna-vynikovyja suviazi.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku12
Kamientary