«Pajechaŭ na rynak u šortach i źnik», — maci zatrymanaha ŭ Biełarusi palittechnołaha Vitala Šklarava
U Homieli zatrymali viadomaha palittechnolaha Vitala Šklarava, paviedamiŭ viečaram 29 lipienia telekanał ANT. A 18 hadzinie ŭ telehram-kanale samoha Šklarava źjaviłasia karotkaje paviedamleńnie: «Aryštavali». Pra abstaviny zatrymańnia «Svabodzie» raspaviała jaho maci Nina Šklarava.
Vital Šklaraŭ stała žyvie ŭ ZŠA. Ciapier byŭ u Biełarusi, bo ŭ Homieli žyvuć jaho baćki.
«Jon pajechaŭ učora na rynak niepadalok ad doma, u šortach i futbołcy — i źnik. Jaho schapili, z Homiela raździetaha zavieźli ŭ Miensk. Tolki viečaram mnie patelefanavali, što jon zatrymany! Ja noč nie spała, ja nie razumieju — u čym sprava? Kali jon palittechnolah, to što? Što jon moh zrabić błahoha? Jon nikudy nie ŭviazvaŭsia, intervju ŭ jaho ŭsie strymanyja… Ja vychavała takoha dobraha, tałkovaha, adukavanaha syna — i ciapier pad staraść hadoŭ tak pavinna pieražyvać?» — płača maci Vitala.
Jana ličyć, što syn nie ździajśniaŭ anijakaha złačynstva ci pravaparušeńnia.
«U jaho niejkaje złačynstva? Jany prosta bajacca jaho! Ja nie razumieju, u jakoj dziaržavie my žyviom! U mianie niama słoŭ. Heta prosta žach», — dadała maci.
Ciapier čytajuć
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija5
Kamientary