Znakamitaja antyŭtopija Džordža Orueła, hieroi jakoj žyvuć i kachajuć u tatalitarnym režymie, vyjšła ŭ niezaležnym vydaviectvie «Januškievič» na biełaruskaj movie. Padrychtavany Siarhiejem Šupam novy pierakład knihi «1984» vydadzieny na 340 staronkach «partyzanskaha farmatu» — jak tłumačycca, takim čynam kniha zmoža ŭvieś čas zastavacca z čytačom, kab toj nie zabyvaŭsia na važnyja rečy.
Fota z fejsbuka Siarhieja Makareviča
Napisany ŭ siaredzinie minułaha stahodździa raman daśledavaŭ śpiecyfiku tyranii i ŭvioŭ va ŭžytak paniaćci navajazu, dvudumstva, palicyi dumak, dvuchchvilinak nianaviści albo ministerstva mira, što raspalvaje vojny. Cytata z knihi «Vialiki Brat sočyć za taboj» stała adnoj z samych papularnych litaraturnych vytrymak i dahetul ahučvajecca ŭ adnosinach da aŭtarytarnych režymaŭ.
Pavodle słoŭ dyrektara vydaviectva Andreja Januškieviča, za Orueła jany ŭzialisia, bo adčuli sacyjalnuju zamovu: «Naša vydaviectva nieabyjakavaje da taho, što adbyvajecca ŭ krainie, i hatova adhukacca na zapyty hramadstva. Nam ciažka nazirać teatr absurdu, jaki naviazvaje ŭłada, i vydańnie antyŭtopii Orueła stanovicca našaj litaraturnaj zbrojaj, bo kniha dazvalaje zrazumieć, da čaho pryvodziać tatalnaja chłuśnia i zaciskańnie hajek. My miarkujem, u jakaści napaminu i papiaredžańnia raman «1984» siońnia patrebny biełarusam».
Antyŭtopija Orueła była zabaroniena ŭ Savieckim Sajuzie da 1988 hoda, a ŭpieršyniu na biełaruskaj movie vyjšła ŭ 1992-m u vydaviectvie «Mastackaja litaratura».
Kniha ŭ pierakładzie Siarhieja Šupy i ź jaho ž paślasłoŭjem u abmiežavanym nakładzie pastupić u prodaž užo siońnia, u tym liku ŭ internet-kramie vydaviectva «Januškievič».
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki13
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1515
Kamientary