Na Ziamli pačałasia pieršaja mahnitnaja bura vieraśnia. Pavodle źviestak navukoŭcaŭ, jana pačałasia 8 vieraśnia kala 11:00 pa minskim časie.
Mahnitnuju buru prahnazavali zahadzia paśla taho, jak da Ziamli nabliziłasia płaźmiennaje vobłaka, vykinutaje Soncam prykładna try dni tamu.
Napiaredadni płazma, jakaja dasiahnuła płaniety, vyklikała praciahłyja hieamahnitnyja ŭzbureńni žoŭtaha ŭzroŭniu. Adnak 8 vieraśnia pakazčyk pieravysiŭ paroh mahnitnaj bury.
Palapšeńnia hieamahnitnaj situacyi čakajuć nie raniej čym praz dvoje sutak. U hety pieryjad mahčymyja mahnitnyja bury druhoha i treciaha ŭzroŭniaŭ — ad siarednich da mocnych.
Z-za pavyšanaj hieamahnitnaj aktyŭnaści miaža palarnych źziańniaŭ značna źmiaściłasia ŭ bok siarednich šyrot. Mocny ŭsplosk paŭnočnaha źziańnia nazirali ŭviečary 7 vieraśnia. Nie vyklučana, što ŭviečary 8 vieraśnia jano znoŭ stanie bačnym.
Navukoŭcy nahadvajuć, što padčas mahnitnych buraŭ niekatoryja mieteaadčuvalnyja ludzi mohuć adčuvać hałaŭny bol, pierapady cisku i inšyja prablemy sa zdaroŭjem. Bolš adčuvalnymi da takich źmien mohuć być ludzi z hipiertanijaj, išemičnaj chvarobaj serca, a taksama tyja, chto raniej pieranios insult abo infarkt.
Ciapier čytajuć
Pamiłavanyja 15 čałaviek, siarod jakich 13 palitviaźniaŭ2
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Zato budzie karysny lohki, pavolny špacyr pa lesie, dzie padvyšany ŭzrovień O2, + čaroŭny, zaspakajalny šept listoty dy pryjemnyja, nierazdražnialnyja, farby naŭkoł. Praŭdu kažu.