Histaryčnyja kadry. Kiraŭnik Centralnaha rajona Piatruša sprabuje spynić «Pieramieny» VIDEA
37-hadovy kiraŭnik Centralnaha rajona stalicy Dźmitryj Piatruša niervova sprabuje spynić tranślacyju pieśni «Pieramien» Viktara Coja na praŭładnym mierapryjemstvie. Hety momant trapiŭ na videa:
A dalej reakcyja ludziej na mierapryjemstvie i lamant Dźmitryja Piatrušy: «Vy sorvali mieroprijatije! Miliciju siuda!»
I toje samaje z treciaha rakursu:
Na praŭładnym mierapryjemstvie, jakoje prachodziła ŭ Kijeŭskim skviery Minska, chłopcy z Pałaca moładzi, jakija stajali za dydžejskim pultam, niečakana ŭklučyli pieśniu Viktara Coja «Pieramien!». Ludzi na płoščy žyva adreahavali na heta, pačali apładziravać i vykrykvać łozunhi.
Voś jak heta było, hladzicie karotkija videa:
Zvyčajnyja rabotniki Pałaca moładzi Kirył Hałanaŭ i Uład Sakałoŭski — heta jany ŭklučyli muzyku «Pieramien».
Pieśnia ihrała, a jany stajali ŭźniaŭšy kułaki. Na rukach u ich byli biełyja stužki.
Prałukašenkaŭski bajanist Vital Varanko, jaki pierad tym zabaŭlaŭ narod u ramkach aficyjnaj prahramy, ahałomšana stajaŭ pobač.
A voś karotkija videa, jakija pieradajuć atmaśfieru kala Kijeŭskaha skviera i vakoł jaho paśla hetaha:
Mahčyma, dydžei aryštavanyja. Numar adnaho ź ich niedasiažny. Brat druhoha raskazaŭ «Našaj Nivie», što nie moža jaho adšukać.
Apytanka
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty17
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary