Mielnikava dvojčy była na palihrafie. Pieršy raz raspłakałasia i ŭciakła
Źnikłuju śpikierku Kaardynacyjnaj rady praviaraŭ «Bajpoł» — jak šmat kaho jašče z demakratyčnych aktyvistaŭ.
Jak stała viadoma «Našaj Nivie», źnikłaja śpikierka Kaardynacyjnaj rady ŭ 2022‑m dvojčy prachodziła palihraf, inicyjavany tady jašče manalitnaj arhanizacyjaj «Bajpoł». Mnohija ludzi ŭ demakratyčnym ruchu tady jaho prachodzili. Tyja, z kim my havaryli, kažuć, što na takich palihrafach centralnaj temaj było mahčymaje supracoŭnictva čałavieka sa śpiecsłužbami Biełarusi ci Rasii. Bolšuju častku času zajmała razmova z palihrafołaham, a ŭžo sam palihraf pa jaje vynikach — 10 chvilin. My nie viedajem, ci adroźnivałasia tema razmovy Mielnikavaj z palihrafołaham ad anałahičnych u inšych ludziej. Ale jość fakt: ź pieršaha palihrafa Mielnikava fizična źbiehła ŭ jaho razhary.
Palihraf — takaja reč, padčas jakoj tema razmovy z čałaviekam nie mianiajecca. Taho, chto adkazvaje, zvyčajna apytvajuć tolki na adnu temu. Naprykład, kradziažy na rabocie, piedafilija, hvałt, što zaŭhodna. U vypadku biełaruskaha demakratyčnaha ruchu ŭzoru vajennaha 2022-ha, paśla ŭžo vykrytych množnych faktaŭ infiltravańnia demakratyčnych arhanizacyj łukašenkaŭskaj ahienturaj Bajpoł staŭ zaprašać na takija palihrafy masava. Centralnym pytańniem było imaviernaje supracoŭnictva sa śpiecsłužbami Łukašenki ci Pucina, pieradača im infarmacyi ci inšyja formy sudziejańnia.
Adpaviedna, palihrafołah razam z apytanym prachodziŭsia pa jaho bijahrafii, šukaŭ momanty i abstaviny, u jakich toj moh by ŭstupić u adnosiny z pradstaŭnikami śpiecsłužb, a ŭžo potym — kali čałaviek abmatany dratami i moža adkazvać tolki «tak» abo «nie» — biŭ u hetyja vuzkija miescy pravakacyjnymi pytańniami.
Źnikłaja śpikierka KR Anžalika Mielnikava, jak dakładna viadoma «Našaj Nivie», pieršaha takoha palihrafa nie vytrymała i, cytata surazmoŭcy: «raspłakałasia i ŭciakła ź jaho».
Potym, jak viadoma «Našaj Nivie», Mielnikava prachodziła jašče adzin palihraf. I ŭžo hety druhi prajšła paśpiachova.
Alaksandr Azaraŭ, centralnaja fihura na toj momant «Bajpoła», jaki i inicyjavaŭ palihrafy, kamientavać hetuju historyju nie staŭ. Jon skazaŭ «Našaj Nivie», što «jaje palihraf pa pytańniach supracoŭnictva nie źviazany sa zhadanymi isterykami, […] tam byli pryvatnyja spravy».
«Naša Niva» — bastyjon biełaruščyny
PADTRYMAĆCiapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać1
Kamientary
Nastolki ŭsich vykryvaje, što nat z druhoha razu, ale prajści možna.
Tamu nie zrazumieła čamu Kavaleŭski na dvuboi Biełsata nie daŭ zhodu Michaleviča z ofisa jaho prajści.
zrazumiejcie , úrešcie !