U Pakroŭsku praciahvajucca ciažkija bai, rasijskija vojski pranikli ŭ horad, łahistyka ŭskładnienaja — 7‑y korpus chutkaha reahavańnia Desantna-šturmavych vojskaŭ Ukrainy raspavioŭ pra situacyju na ranicu 27 kastryčnika.
U Pakroŭsku praciahvajucca bai z hrupami rasijan, jakija dziakujučy kolkasnaj pieravazie ŭ siłach i srodkach zdoleli trapić u horad i naźbiracca ŭ roznych častkach nasielenaha punkta.
Abaroncy Pakroŭska akazvajuć supraciŭ.
«Dniami našuju abaronu ŭzmacnili novymi padraździaleńniami. Piachota, šturmavyja vojski, artyleryja, ekipažy BpŁA i inšyja składniki Sił abarony naroščvajuć vykarystańnie zienitnych dronaŭ ź sietkami suprać varožych «mavikaŭ», — piša pres-słužba korpusa.
Pavodle paviedamleńnia, rasijanie nie sprabujuć zamacavacca ŭ horadzie, a majuć namier prasunucca dalej na poŭnač. Tym samym rasijanie chočuć raspylić siły ŭkrainskaj abarony i zabłakavać suchaputnyja łahistyčnyja kalidory da horada.
«Tamu zaraz pra poŭny kantrol nad adnym z rajonaŭ Pakroŭska havorka nie idzie», — havorycca ŭ paviedamleńni.
Praciŭnik maje mahčymaść vieści nazirańnie za pieramiaščeńniami jak u Pakroŭsku, tak i ŭ Mirnahradzie.
«Ratacyja asabovaha składu — uskładniena i adbyvajecca ź istotnymi zatrymkami. Łahistyka — abmiežavanaja. Pry dastaŭcy nieabchodnaj pravizii vykarystoŭvajucca jak pavietranyja, tak i naziemnyja drony», — dadajuć abaroncy horada.
Adnačasova rasijanie pravodziać kłasičnyja masavyja šturmavyja dziejańni pa ŭsioj pałasie abarony. Meta — złamać supraciŭ ukrainskich vojskaŭ, nablizić liniju raźmiežavańnia da Pakroŭska i Mirnahrada, pastupova ŭstaloŭvajučy poŭny kantrol nad kvartałami abodvuch miescaŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam5
Kamientary
Na diele užie na prošłoj niediele hovoriłoś ob opierativnom okružienii ukrainskich vojsk v Pokrovskie.