«Dziejničajcie pa zakonie». Cichanoŭskaja vystupiła z novym zvarotam da vybarcaŭ i pravaachoŭnych orhanaŭ
Kandydat u prezidenty Śviatłana Cichanoŭskaja vystupiła z novym zvarotam.
«Z bolem u sercy my čytali ŭčora naviny, u jakich paviedamlałasia pra toje, jak supracoŭniki AMAP i milicyi zatrymlivali viełasipiedystaŭ. My prosim ułady apamiatacca, my prosim zirnuć na kalandar, ciapier 2020 hod, a nie siaredniaviečča. Takija mietady baraćby ź niazhodnymi nie toje što nieprymalnyja — jany pa-za miežami».
Śviatłana Cichanoŭskaja zaklikaje siłavyja struktury nie vykonvać złačynnych zahadaŭ. «Biełarusy ceniać i pavažajuć vas, dla biełarusaŭ heta abaroncy, a nie pahroza ich žyćciu».
«Tysiačy biełarusaŭ vychodziać na vulicy haradoŭ i kažuć: nam patrebnyja pieramieny. Stolki prychilnikaŭ pieramien na vulicach jašče nie było».
Cichanoŭskaja zaklikała vybarcaŭ pryjści 9 žniŭnia na vybarčyja ŭčastki i prahałasavać za jaje.
«A 20-j hadzinie vy majecie prava pryjści na ŭčastki i aznajomicca z pratakołam. Čakajcie, kali kamisija paličyć hałasy i vyviesić vynikovy pratakoł. Kali vy pabačycie, što my pieramahli — śviatkujcie našu pieramohu.
Kali vy zaŭvažyli parušeńni, dziejničajcie pa zakonie, vyklikajcie milicyi i patrabujcie pravieści pravierku. Heta vašy hałasy na ŭčastku, mienavita na vašym učastku moža prajści falsifikacyja. I mienavita vy možacie zrabić zachady, kab praduchilić złačynstva ci chavańnie dokazaŭ.
Ja budu rabić usio, što zaležyć ad mianie, kab abaranić vašy hałasy», — kaža Cichanoŭskaja i zaznačaje, što pad videa buduć raźmieščanyja padrabiaznyja jurydyčnyja kroki.
«Nas bolšaść i nam nie patrebnaja kroŭ», — padkreślivaje Śviatłana.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary