Prajšło try miesiacy ad momantu zatrymańnia Viktara Babaryki. Jaho dačka zapisała VIDEAzvarot
Maryja Babaryka zapisała videazvarot u padtrymku ŭsich, chto praciahvaje zmahacca za budučyniu Biełarusi, i padziakavała štabu Babaryki i Kaardynacyjnaj radzie, advakatam, žurnalistam, vałancioram i ŭsim biełarusam, jakija kožny dzień ździajśniajuć svoj podźvih.
Maryja Babaryka taksama začytała ŭryvak ź niadaŭniaha lista ad Viktara Babaryki: «Samaje składanaje ŭ siońniašniaj situacyi dla mianie — heta pavieryć va ŭvieś kreatyŭ i pazityŭ, jaki vy apisvajecie ŭ svaich listach. Bo mienavita hetaha i nie chapała nam u žyćci. My z vami zaŭsiody kažam, što voś by i ŭ nas u Biełarusi možna było b sustreć ščaślivych, uśmiešlivych ludziej. Kab možna było nie bačyć zmročnych, panurych ludziej, jakija bajacca radavacca. Zakrytaść — samaja vialikaja naša prablema. I kali heta ŭdałosia źmianić, to heta i jość sapraŭdnaja pieramoha! Asnoŭnaja meta lubych dziejańniaŭ — ludzi. Tolki jany vyznačajuć pośpiech luboha prajekta, ich zadavolenaść i radaść».
Nahadajem, Viktar Babaryka byŭ zatrymany 18 červienia, na dadzieny momant jamu vystaŭlenyja abvinavačvańni pa 3 artykułach: č. 3 art. 430 («Atrymańnie chabaru»), č. 2 art. 243 («Uchileńnie ad vypłaty sum padatkaŭ») i č. 2 art. 235 («Lehalizacyja srodkaŭ, atrymanych złačynnym šlacham»).
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary