Прайшло тры месяцы ад моманту затрымання Віктара Бабарыкі. Яго дачка запісала ВІДЭАзварот
Марыя Бабарыка запісала відэазварот у падтрымку ўсіх, хто працягвае змагацца за будучыню Беларусі, і падзякавала штабу Бабарыкі і Каардынацыйнай радзе, адвакатам, журналістам, валанцёрам і ўсім беларусам, якія кожны дзень здзяйсняюць свой подзвіг.
Марыя Бабарыка таксама зачытала ўрывак з нядаўняга ліста ад Віктара Бабарыкі: «Самае складанае ў сённяшняй сітуацыі для мяне — гэта паверыць ва ўвесь крэатыў і пазітыў, які вы апісваеце ў сваіх лістах. Бо менавіта гэтага і не хапала нам у жыцці. Мы з вамі заўсёды кажам, што вось бы і ў нас у Беларусі можна было б сустрэць шчаслівых, усмешлівых людзей. Каб можна было не бачыць змрочных, панурых людзей, якія баяцца радавацца. Закрытасць — самая вялікая наша праблема. І калі гэта ўдалося змяніць, то гэта і ёсць сапраўдная перамога! Асноўная мэта любых дзеянняў — людзі. Толькі яны вызначаюць поспех любога праекта, іх задаволенасць і радасць».
Нагадаем, Віктар Бабарыка быў затрыманы 18 чэрвеня, на дадзены момант яму выстаўленыя абвінавачванні па 3 артыкулах: ч. 3 арт. 430 («Атрыманне хабару»), ч. 2 арт. 243 («Ухіленне ад выплаты сум падаткаў») і ч. 2 арт. 235 («Легалізацыя сродкаў, атрыманых злачынным шляхам»).
Цяпер чытаюць
Што вядома пра затрыманых радыёаматараў, якім пагражае аж да расстрэлу5
Каментары