Staršynia «Biełaj Rusi» Hienadź Davydźka siońnia padčas praviadzieńnia dyjałohavaj placoŭki ŭ Viciebsku zajaviŭ, što arhanizacyi treba farmavać partyju, pieradaje BiełTA.
«Zdajecca, što nam treba farmavać partyju. Papiaredniaja ŭmoŭnaja nazva — partyja narodnaha adzinstva «Biełaja Ruś». Słova «adzinstva», chutčej za ŭsio, praduhledžvaje pravacentrysckuju partyju z dobrym levym moładzievym kryłom, z sacyjalnymi harantyjami», — adznačyŭ Hienadź Davydźka.
Pavodle jaho słoŭ, ciapier pačniecca praca nad statutam i prahramaj palityčnaj siły. U najbližejšyja dni prajekt statuta źjavicca na sajcie «Biełaj Rusi», možna budzie dasyłać svaje prapanovy.
Hienadź Davydźka zapeŭniŭ, što ŭznačalvać partyju nie źbirajecca, lidara buduć šukać. «Heta pavinien być małady ŭpeŭnieny dziaržaŭnik», — adznačyŭ jon.
Partyju płanujuć arhanizavać adrazu paśla reformy Asnoŭnaha zakonu.
Hienadź Davydźka vykazaŭ zdahadku, što refierendum pa Kanstytucyi moža prajści ŭ sakaviku-krasaviku nastupnaha hoda.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary