«Palityku my nie kranajem». Jaŭhien Pierlin zabraŭ jutub-kanał «Makajonka, 9» i zapuskaje na im svoj prajekt
Eks-televiadučy BT Jaŭhien Pierlin zapuskaje svoj jutub-prajekt — Perlin Show. Na im buduć źjaŭlacca pieradačy roznych farmataŭ.
«Pieršy farmat — vialikaje intervju. Nie pra palityku, a pra asobaŭ, toje, praz što jany prachodzili, kab stać paśpiachovymi. Dumaju, dla kahości heta budzie karysna, — dzielicca Jaŭhien. —
Palityku my nie kranajem, tamu što jość tyja, chto ŭžo paśpiachova heta robić.
Heta nie šou, a padkast. Možna pasłuchać uviečary pierad snom ci ŭ darozie. Pieršaha intervju — jano ciahniecca 2,5 hadziny — chopić roŭna na toje, kab dajechać ź Minska da Hrodna».
Hierojem pieršaha vypusku staŭ dyzajnier Apci Ezijeŭ.
Paźniej na kanale buduć i inšyja prajekty, ale, jak kaža sam Jaŭhien, pakul kožnuju niadzielu takija naviny, nie da zabaŭlalnych farmataŭ.
Na kanale Pierlina pakul nivodnaha videa — ale amal 43 tysiačy padpisantaŭ. Jak tak?
«Ja ničoha nie kuplaŭ! — uśmichajecca viadučy. — Heta byŭ adzin z maich kanałaŭ, ja jaho prosta pierafarmatavaŭ».
Jak vyśvietliłasia, Pierlin robić svoj prajekt na kanale, jaki zastaŭsia ad šou BT «Makajonka, 9». Usie staryja videa ciapier schavanyja.
Jutub-kanał dla viadučaha — pakul asnoŭny zaniatak. Paśla zvalnieńnia z BT Pierlin nikudy nie ŭładkoŭvaŭsia. Kaža, ciapier iduć pieramovy nakont adnoj prapanovy, ale raskryvać karty rana.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary