Jak budzie pracavać hramadski transpart u Minsku 9 maja. Buduć maštabnyja źmieny

Ruch kala «Manumienta Pieramohi»

Z 16:00 9 maja da zakančeńnia cyrymonii ŭskładańnia viankoŭ i kvietak da abieliska «Manumient Pieramohi» budzie abmiežavany ruch pa pr. Niezaležnaści ŭ rajonie pł. Pieramohi. U hety pieryjad trasy šerahu maršrutaŭ buduć źmienieny.

Aŭtobusy № 18, 26, 26a, 26d buduć kursiravać u abjezd pa vuł. Zacharava, Pieršamajskaj, Z. Biaduli, Kazłova, pr. Mašerava, vuł. Daŭmana (u abodvuch napramkach).

Aŭtobusy № 100, 1064-TK, 1076-TK, 1151-TK, 1547-TK, a taksama tralejbus № 22 pajeduć pa nastupnaj schiemie: pr. Niezaležnaści — vuł. Kazłova — Z. Biaduli — Pieršamajskaja — Uljanaŭskaja — Śviardłova — pr. Niezaležnaści.

Aŭtobus № 115e prajedzie pa anałahičnym abjaznym kalcy, adnak biez vykanańnia prypynkaŭ na źmienienym učastku.

Maršrutnyja aŭtobusy № 1152‑TK u pramym napramku pojduć praz vuł. Kirava i Babrujskuju, a nazad — praz vuł. Śviardłova i Uljanaŭskuju, a № 1119‑TK u pramym napramku buduć iści praz pł. Ja. Kołasa, vuł. V. Charužaj, Kujbyšava, Ja. Kupały, M. Bahdanoviča na pr. Pieramožcaŭ. Zvarotny ich šlach budzie arhanizavany praz vuł. Niamihu, Kujbyšava i pr. Mašerava.

Aŭtobus № 57 źmienić nakiravańnie na vuł. Pulichava, Pieršamajskuju, Uljanaŭskuju, Babrujskuju, K. Cetkin i pr. Dziaržynskaha.

Maršrutny aŭtobus № 1400‑TK i pryharadny № 300E nakirujuć u abjezd praz vuł. Babrujskuju, Śviardłova, Aranskuju, pr. Partyzanski, vuł. Vaniejeva, Vaŭpšasava, Radyjalnuju, Filimonava, paśla čaho jany vyjduć na pr. Niezaležnaści. Na hetym učastku prypynki taksama vykonvacca nie buduć.

Pry hetym prykładna z 12:00 prypynki «Płošča Pieramohi» i «Janki Kupały» admieniać dla ŭsich vidaŭ transpartu.

Kancert kala Pałaca sportu

Z 10:00 da 21:30 na placoŭcy kala Pałaca sportu projdzie śviatočnaja kancertnaja prahrama. U hety pieryjad budzie pavialičana kolkaść ruchomaha sastavu na maršrutach № 1, 24, 69.

Akramia taho, paśla zaviaršeńnia kancerta i salutu (aryjencirovačna paśla 23:00) vyvieduć rezierv aŭtobusaŭ dla apieratyŭnaj pieravozki haściej śviata.

U subotu z 8:00 prypynak «Pałac sportu» dla ŭsich maršrutaŭ budzie admienieny.

U vypadku abmiežavańnia ruchu pa pr. Pieramožcaŭ u rajonie Pałaca sportu ŭvodziacca dadatkovyja źmieny:

• aŭtobusy № 1, 69, 119S, 1056-TK, 1119‑TK pojduć pa pr. Pieramožcaŭ, Mašerava, vuł. Cimirazieva, Kalvaryjskaja, Ramanaŭskaja Słabada, Haradski Vał i pr. Niezaležnaści. Dla maršrutu № 119S dadaduć prypynki «Ramanaŭskaja Słabada», «Haradski vał», «St. m. «Frunzienskaja», «Muziej historyi VAV». Prypynak «Vaładarskaha» dla ich admianiajecca;
• aŭtobusy № 73 i 163 źmieniać maršrut praz vuł. Maskoŭskuju, Ł. Tałstoha i K. Cetkin, z rucham pa vuł. Kalvaryjskaja i Ramanaŭskaja Słabada;
• aŭtobus № 91 ad pr. Pieramožcaŭ nakirujecca pa pr. Mašerava, vuł. Cimirazieva, Kalvaryjskaja, Ramanaŭskaja Słabada i Niamiha.

Praca mietrapalitena

U Dzień Pieramohi staličnaja padziemka piarojdzie na ŭzmocnieny hrafik:

• na 1‑j i 2‑j linijach z 9:00 da 11:00 intervał ruchu ciahnikoŭ składzie piać chvilin, z 11:00 da 00:00 — čatyry chviliny;
• na 3‑j linii z 9:00 da 11:00 intervał ruchu ciahnikoŭ składzie siem chvilin, z 11:00 da 00:00 — šeść chvilin.

Taksama praduhledžany rezierv sastavaŭ na vypadak rezkaha rostu pasažyrapatoku.

• 0
• 0
• 1
• 0
• 0
• 0
• 0
• 0