Z zatrymanym žurnalistam Andrejem Alaksandravym na Akreścina sustrełasia advakatka
Advakat zatrymanaha žurnalista Andreja Alaksandrava Volha Karpušonak uviečary 14 studzienia zmahła sustrecca z padabaronnym padčas dopytu ŭ izalatary časovaha ŭtrymańnia ŭ 1-m zavułku Akreścina ŭ Minsku, pieradaje BiełaPAN.
«Andrej žyvy-zdarovy, umovy narmalnyja, nacisku nie akazvajuć», — paviedamiła advakatka.
Pavodle jaje słoŭ, 15 studzienia kala 13-j hadziny minaje troje sutak z momantu zatrymańnia, paśla čaho Alaksandrava pavinny adpuścić albo pakinuć pad vartaj.
Alaksandraŭ byŭ zatrymany 12 studzienia jak padazravany pa kryminalnaj spravie, raspačataj pavodle art. 342 KK (Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich).
«Zhadany hramadzianin zatrymany ŭ suviazi z vyśviatleńniem dačynieńnia da dziejańniaŭ, jakija hruba parušajuć hramadski paradak, što adbylisia na terytoryi Minska», — paviedamiła na nastupny dzień aficyjny pradstaŭnik USK pa Minsku Kaciaryna Harlinskaja.
Zatrymanaja taksama dziaŭčyna Alaksandrava Iryna Złobina.
14 studzienia ŭ ofisie BiełaPAN, dzie Alaksandraŭ u 2014-2018 hadach pracavaŭ namieśnikam dyrektara, prajšoŭ vobšuk. Kanfiskavanaja častka techniki i nośbitaŭ infarmacyi. U pastanovie na vobšuk taksama fihuravaŭ artykuł 293 KK (Masavyja biesparadki).
-
Francuzski hihant mabilnych hulniaŭ Voodoo abvinavaciŭ biełaruskuju SayGames u kapijavańni mabilnaj hulni — i znoŭ prajhraŭ
-
Biełarusy za miažoju znajšli prymianieńnie niadziejnamu biełaruskamu pašpartu
-
Cieła zabitaj u Izraili 31‑hadovaj Janiny pachavali ŭ Biełarusi. Jaje maci sprabuje zabrać maleńkaha ŭnuka
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy13
Kamientary