«Na hety momant palityčny cisk na IIHF idzie adusiul», — kaža kiraŭnik fiederacyi.
Prezident Mižnarodnaj fiederacyi chakieja (IIHF) Rene Fazel zajaviŭ u intervju ahienctvu «RIA Naviny», što na praciahu piaci dzion budzie vyrašana, ci projdzie čempijanat śvietu pa chakiei ŭ hetym hodzie ŭ Minsku.
«Na hety momant palityčny cisk na IIHF idzie adusiul. Pierš za ŭsio, jon idzie ad Šviecyi, Finlandyi, Narviehii, Danii, Hiermanii. Urady tych krain zaklikajuć da bajkotu čempijanatu śvietu. I jašče idzie cisk na nas z boku sponsaraŭ. Chtości nacisnuŭ na sponsaraŭ z tym, kab jany admovilisia spansiravać čempijanat śvietu. I heta tolki pačatak. I heta vielmi niebiaśpiečna, pakolki ludzi prosta pačnuć bajkatavać pradukcyju hetych firmaŭ, kali jany zastanucca sponsarami turniru ŭ Biełarusi.
My budziem jašče razmaŭlać ź Fiederacyjaj chakieja Biełarusi, arhanizacyjnym kamitetam. U adzin z nastupnych dzion (u paniadziełak) u nas sustreča z Savietam. Treba budzie jašče pierahavaryć z mnohimi ludźmi: partniorami, sponsarami. I tady my vyrašym, što rabić dalej. U nastupnyja piać dzion my prymiem vynikovaje rašeńnie nakont miesca praviadzieńnia čempijanatu śvietu», — zajaviŭ Fazel.
Prezident IIHF taksama zajaviŭ, što čempijanaty śvietu zmohuć pravodzicca ŭ Biełarusi ŭ budučyni.
«Całkam dakładna, takaja mahčymaść budzie. Jak tolki situacyja narmalizujecca, nam adrazu treba budzie viarnucca da krutych biełaruskich zaŭziataraŭ», — adznačyŭ Fazel.
Kamientary