Dla kansalidacyi hramadstva i zachavańnia histaryčnaj pamiaci važna pravodzić vychavaŭča-aśvietnickuju pracu ŭ duchu patryjatyzmu pry supracoŭnictvie z navukoŭcami-historykami, krajaznaŭcami, na miascovym uzroŭni naładžvać dyjałoh z nasielnictvam. A taksama ŭklučyć u Kanstytucyju paniaćcie «nacyjanalnaja hodnaść». Takim mierkavańniem z karespandentam BiełTA padzialiŭsia rektar Akademii kiravańnia pry prezidencie, kandydat histaryčnych navuk, dacent Viačasłaŭ Daniłovič.
Jon padkreśliŭ, što Usiebiełaruski narodny schod maje vialikaje značeńnie i ŭ historyi sučasnaj Biełarusi, i kankretna ŭ biahučym momancie.
Jaho chvaluje prablema zachavańnia pamiaci, supraćstajańnie sprobam falsifikacyi historyi Biełarusi roznych pieryjadaŭ, pierš za ŭsio — padziej časoŭ Vialikaj Ajčynnaj vajny. Hetyja idei jon chacieŭ by ahučyć na UNS: užo z samaha rańniaha ŭzrostu dziaciej nieabchodna vychoŭvać u duchu patryjatyzmu, pavahi da dziaržaŭnych simvałaŭ Respubliki Biełaruś.
Akramia taho, jamu cikava abmierkavańnie źmianieńniaŭ, jakija prapanavanyja ŭ ramkach kanstytucyjnaj reformy. Ź jaho punktu hledžańnia, metazhodna było b unieści ŭ Kanstytucyju paniaćcie «nacyjanalnaja hodnaść».
«Jano ŭklučaje ŭ siabie honar za svoj narod, luboŭ da jaje kultury i tradycyj, pavahu da dziaržaŭnaj simvoliki, a taksama zamacavać normu, što źniavaha nacyjanalnaj hodnaści karajecca pa zakonie», — dadaŭ Daniłovič.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud31
Kamientary