Deputat: Admiena ČS pa chakiei — pomsta nam za pieramohu ŭ Vialikaj Ajčynnaj vajnie
Pra heta zajaviŭ deputat Pałaty pradstaŭnikoŭ i kiraŭnik Fiederacyi chakieja Homielskaj vobłaści Vital Utkin.
«Ja dumaju, što častka nasielnictva tych krain, dzie palityki vystupali suprać čempijanatu śvietu ŭ Respublicy Biełaruś, absalutna nie padtrymlivaje punkt hledžańnia hetych palitykaŭ i absalutna pa-inšamu na ich ciapier pahladzieli. Što možna vyjści absalutna na inšyja ŭzroŭni palityčnaha płanu i prosta skazać, što heta pomsta nam, naščadkam pieramožcaŭ Druhoj suśvietnaj vajny, za toje, što našy dziady ściah uźniali nad Rejchstaham», — zajaviŭ Utkin na STB.
«Prosta łohika. My havorym ab łohicy palityčnych ruchaŭ, — praciahnuŭ jon. — Voźmiem Skoda. Padčas vajny, my viedajem, što jany jak ramantavali techniku niamiecka-fašysckich zachopnikaŭ, tak i vypuskali lohkija tanki. I 200 tankaŭ byli pastaŭlenyja ŭ šerahi niamieckaj armii, jakaja vajavała suprać biełaruskaha naroda…
Nivea — zubnyja ščotki, myła, pradmiety asabistaj hihijeny taksama dla viermachta», — adznačyŭ Utkin.
Nahadajem, Skoda i Nivea admovilisia spansiravać čempijanat śvietu pa chakiei ŭ vypadku, kali jon projdzie ŭ Biełarusi. Takoje rašeńnie sponsaraŭ stała adnoj z pryčyn jaho pieranosu.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary