U Saudaŭskaj Aravii pabudujuć najvialikšy zavod u śviecie pa vytvorčaści vadarodu
U Saudaŭskaj Aravii płanujuć pabudavać najvialikšy vadarodny zavod u śviecie. Raspracoŭščyki prajekta spadziajucca, što popyt na vadarodnaje paliva zrobić zavod prybytkovym.
Popyt na «zialony» vadarod raście va ŭsim śviecie. U adroźnieńnie ad nafty i pryrodnaha hazu, vadarod nie vyłučaje dvuchvokisu vuhlarodu i škodnyja rečyvy pry spalvańni. Jaho praściej zachoŭvać, čym elektryčnaść, jakuju vypracoŭvajuć vietravyja turbiny i soniečnyja elektrastancyi, i da taho ž vadarod možna transpartavać praz trubapravody. Vadarod asabliva pryvablivy dla vytvorčaści ekałahičnaha paliva.
Bolšuju častku vadarodu, jaki vykarystoŭvajecca siońnia ŭ kamiercyjnych metach, atrymlivajuć šlacham rasščapleńnia malekuł vuhlevadarodu, u vyniku čaho vyłučajucca parnikovyja hazy. «Zialony» vadarod, u svaju čarhu, atrymlivajuć šlacham elektrolizu: elektryčnaść vykarystoŭvajecca dla atrymańnia atamaŭ vadarodu z malekuł vady.
Adnak vytvorčaść vadarodu pakul što abychodzicca zadoraha. Maštabnyja prajekty akupiacca tolki tady, kali źjavicca šyroki rynak dla vadarodu, jakoha pakul niama, piša The Wall Street Journal.
Tym nie mienš, sumiesnaja inicyjatyva ad Nieom — saudaŭskaha prajekta razumnaha horada — amierykanskaj chimičnaj kampanii Air Products & Chemicals Inc. i saudaŭskaj kampanii ACWA Power inviestuje $5 miljardaŭ u budaŭnictva najvialikšaha zavoda ŭ śviecie pa vytvorčaści vadarodu. A jašče $2 miljardy buduć vyłučanyja na infrastrukturu rynku, u pieršuju čarhu ŭ raspracoŭku paliva dla aŭtamabilaŭ i hramadskich aŭtobusaŭ.
Zhodna z płanami Nieom, z 2025 hoda na zavodzie budzie štodzień vyrablacca 650 ton vadarodu. Hety prajekt źjaŭlajecca praciaham realizacyi ambicyjnaha płana Saudaŭskaj Aravii pa prystasavańni da budučaha śvietu biez nafty i pryrodnaha hazu, Nieom maje pieratvarycca ŭ hłabalny centr technałohij i ekałahičnaj enierhietyki.
Adna z hałoŭnych pieravah razumnaha horada Nieom — jaho raźmiaščeńnie ŭzdoŭž Čyrvonaha mora, što spryjaje raźvićciu i soniečnaj, i vietravoj enierhietyki. Mienavita tamu Nieom staŭ pieršym, chto zajaviŭ pra inviestycyi ŭ vytvorčaść vadarodu takoha pamieru.
Čytajcie taksama:
Vietraelektrastancyi buduć paralelna pradukavać vadarodnaje paliva? Usio da taho idzie
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»44
Kamientary