Palčys pra Łatypava: Jon u vielmi drennym stanie, suicydalnyja dumki, 1,5 hoda adzinočki
Dniami stała viadoma, što palitźniavoleny arbaryst Ściapan Łatypaŭ treci raz sprabavaŭ ździejśnić suicyd u turmie. Mužčyna niby kazaŭ, što nie bačyć sensu žyćcia i nie vytrymaje jašče adnaho terminu ŭ turemnym režymie.
Błohier i były palitviazień Eduard Palčys raskazaŭ, jak pierasiakaŭsia z Łatypavym za kratami.
«Ja bačyŭsia ź im tolki adnojčy — u vieraśni 2024‑ha na etapie, chvilin 5.
Jon u vielmi drennym stanie: suicydalnyja dumki, 1,5 hoda adzinočki. Jamu nie davali ŭsiu bałandu, u jaho navat pačałasia cynha, pakul fielčar nie zaŭvažyŭ.
Pry hetym pamiłavańnie jon pisaŭ, pa jaho słovach», — napisaŭ Palčys u X.
Ściapan Łatypaŭ u 2020‑m razdavaŭ kvietki žančynam na akcyi salidarnaści. Jaho zatrymali ŭ vieraśni 2020 hoda kala jahonaha doma na «Płoščy Pieramien». 16 žniŭnia 2021 hoda palitviaźnia asudzili za ŭdzieł u akcyjach pratestu (č. 1 i 2 art. 342 KK), «supraciŭ milicyjantam» (č. 2 art. 363 KK) i «machlarstva, ździejśnienaje ŭ asabliva bujnym pamiery» (č. 4 art. 209 KK) na vosiem hadoŭ i šeść miesiacaŭ źniavoleńnia va ŭmovach strohaha režymu.
Kamientary