Vietraelektrastancyi buduć paralelna pradukavać vadarodnaje paliva? Usio da taho idzie
Enierhija vietru vykarystoŭvajecca ŭsio bolš aktyŭna. Časam užo vietravyja elektrastancyi dajuć bolš enierhii, čym patrebna toj ci inšaj krainie. Tym bolš što padčas karancinu ŭ mnohich krainach popyt na elektraenierhiju źniziŭsia. Daśledčyki znajšli šlach, jak možna vykarystać zališniuju enierhiju dla vytvorčaści vadarodu.
«My sprabujem atrymlivać vadarod, vykarystoŭvajučy liški enierhii marskoha vietru», — kaža Styvien Metjuz, śpiecyjalist pa vadarodzie ŭ kansałtynhavaj kampanii pa ŭstojlivym raźvićci ERM.
Jaho prajekt nakiravany na raźmiaščeńnie pry vietravych turbinach adnačasova abstalavańnia pa apraśnieńni marskoj vady i elektralizieraŭ, jakija rasščaplajuć atrymanuju presnuju vadu na kisłarod i vadarod, paviedamlaje BBC.
Ideja vykarystańnia liškaŭ enierhii dla vytvorčaści vadarodu vyklikała vialiki intares, bo raźvityja krainy buduć imknucca pierajści da bolš ekałahičnych enierhietyčnych sistem na praciahu nastupnych 30 hadoŭ zhodna z umovami Paryžskaha pahadnieńnia pa klimacie, padpisanaha ŭ 2015 hodzie.
Vadarod — važny kampanient enierhietyčnych sistem budučyni, jon moža vykarystoŭvacca jak paliva dla transpartnych srodkaŭ, na elektrastancyjach abo dla aciapleńnia damoŭ. Bolš za toje, vadarod daje nulavyja vykidy škodnych rečyvaŭ pry spalvańni. Adnak kab vadarod pačali vykarystoŭvać šyrej, jaho vytvorčaść musić značna pavialičycca ŭ bližejšyja dziesiacihodździ.
Styvien Metjuz adznačaje, što jaho prajekt tolki pačynajecca, abstalavanuju vietravuju turbinu dla vytvorčaści vadarodu jašče nie pabudavali. Chutčej za ŭsio, sistema budzie raźmiaščacca ŭ Šatłandyi, a pačać vytvorčaść vadarodu płanujecca dzieści ŭ 2024 hodzie.
Heta nie adziny taki prajekt pa vytvorčaści vadarodu. Ispanski vytvorca vietravych turbin Siemens Gamesa vyłučaje $145 miljonaŭ na raspracoŭku vietravoj turbiny z ustalavanym elektralizieram.
Niamieckaja enierhietyčnaja kampanija Tractebel razhladaje mahčymaść budaŭnictva zavoda pa vytvorčaści vadarodu, jaki budzie pracavać na vietravych turbinach.
Brytanskaja kampanija Neptune Energy pracuje nad pieratvareńniem naftavaj płatformy ŭ stancyju pa vytvorčaści vadarodu.
Ažyjataž vakoł vytvorčaści vadarodu źviazany nie tolki z ekałahičnymi prablemami, ale i z ekanomikaj. Vadarodnyja elektraliziery stanoviacca ŭsio bolš dastupnymi, a zatraty na ŭstalavańnie vietravych turbin pastupova źmianšajucca.
Tym nie mienš, u niekatorych ekśpiertaŭ jość sumnieńni nakont taho, ci stanie masavaja vytvorčaść vadarodu ekanamična efiektyŭnaj. Akramia hetaha, kab takija sistemy mieli značny ŭpłyŭ na enierhietyku, spatrebicca jak minimum kala 10 hadoŭ technałahičnaha raźvićcia.
Čytajcie taksama:
U Saudaŭskaj Aravii pabudujuć najvialikšy zavod u śviecie pa vytvorčaści vadarodu
-
Viartańnie dadomu moža stać samaj niebiaśpiečnaj častkaj misii dla kasmanaŭtaŭ «Artemidy-2»
-
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?
-
U siecivie virusiacca foty roznakalarovaha Miesiaca. Jon sapraŭdy taki?
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho3
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary